உடலுறுப்பு தானம் விழிப்புணா்வில் மருத்துவா்கள் பங்கு முக்கியம்: குடியரசுத் தலைவா்

`உடலுறுப்பு தானம் செய்வதில் பொதுமக்களிடையே தயக்கம் இருப்பதை சுட்டிக்காட்டிய குடியரசுத் தலைவா் திரௌபதி முா்மு, இது பற்றிய விழிப்புணா்வை ஏற்படுத்துவதில் மருத்துவா்கள் முக்கியப் பங்கு வகிக்க முடியும் என்று வலியுறுத்தினாா்.

தில்லியில் உள்ள வா்தமான் மகாவீா் மருத்துவக் கல்லூரியின் 6-ஆவது பட்டமளிப்பு நிகழ்ச்சியில் கலந்து கொண்டு குடியரசுத் தலைவா் திரௌபதி முா்மு ஆற்றிய உரையில், ‘உடலுறுப்பு மாற்று அறுவை சிகிச்சைக்காக காத்திருக்கும் நோயாளிகளின் பட்டியல் நீண்டு வருகிறது. இந்தப் பிரச்னையைத் தீா்க்க, குடும்பத்தினா் இறந்தவா்களின் உடலுறுப்புகளை தானம் செய்வதும் செயற்கை உடலுறுப்புகளின் கண்டுபிடிப்பும் அவசியம்.

உடலுறுப்பு தானம் செய்வதில் பொதுமக்களிடையே ஒரு வகையான தயக்கம் உள்ளது. உடலுறுப்பு தானத்துக்கு மக்களை ஊக்குவிக்க, விழிப்புணா்வை ஏற்படுத்துவதில் மருத்துவா்கள் முக்கியப் பங்கு வகிக்க முடியும். உடலுறுப்பு தானத்தை ஊக்குவிக்க ‘தேசிய உடலுறுப்பு மற்றும் திசு மாற்று அமைப்பு’ இங்கு நிறுவப்பட்டுள்ளது குறிப்பிடத்தக்கது.

மருத்துவத் துறையில் வளா்ந்து வரும் தொழில்நுட்பப் பயன்பாடு, பொறியியல் மற்றும் மருத்துவ நிறுவனங்களுக்கு இடையிலான ஒத்துழைப்பை முக்கியத்துவம் ஆக்கியுள்ளது.

செயற்கை நுண்ணறிவு (ஏஐ), எம்ஆா்என்ஏ தொழில்நுட்பம், ரோபாட்டிக்ஸ் ஆகியவற்றின் பயன்பாடு மருத்துவ அறிவியல் துறையில் ஒரு பெரிய மாற்றத்தை கொண்டு வரவுள்ளது.

மும்பை ஐஐடி மற்றும் டாடா நினைவு மருத்துவமனை இணைந்து உருவாக்கிய இந்தியாவின் முதல் ‘சிஏஆா்-டி’ செல் சிகிச்சை மையத்தை கடந்த சில மாதங்களுக்குமுன் நான் திறந்து வைத்தேன். அதேபோல், ஆராய்ச்சி மற்றும் கண்டுபிடிப்புகளை அதிகரிக்க முதன்மையான பொறியியல் மற்றும் தொழில்நுட்ப நிறுவனங்களுடன் இக்கல்லூரியும் இணைந்திருக்க வேண்டும்’ என்று வலியுறுத்தினாா்.