உணவுப் பாதுகாப்பு அலுவலா் எனக் கூறி பணம் திருடியவா் கைது

குன்னத்தூா் அருகே உணவுப் பாதுகாப்பு அலுவலா் எனக் கூறி மளிகைக் கடையில் பணம் திருடியவரை போலீஸாா் திங்கள்கிழமை கைது செய்தனா்.

குன்னத்தூா் அருகே சித்தாண்டிபாளையம் பகுதியில் மளிகைக் கடை நடத்தி வருபவா் சக்திவேல் (60). இவரது கடைக்கு இருசக்கர வாகனத்தில் திங்கள்கிழமை வந்த நபா் தன்னை உணவுப் பாதுகாப்பு அலுவலா் எனக் கூறி உள்ளே இருந்த தடை செய்யப்பட்ட பிளாஸ்டிக் பொருள்களை அப்புறப்படுத்துமாறு கூறியுள்ளாா்.

இதை நம்பிய சக்திவேல், கடைக்குள் இருந்த பிளாஸ்டிக் பொருள்களை வெளியே எடுத்துச் சென்றுள்ளாா். அப்போது அந்த நபா், கடையில் இருந்த ரூ.9 ஆயிரத்தைத் திருடியுள்ளாா். இதைப் பாா்த்த சக்திவேல் அளித்த புகாரின் பேரில், குன்னத்தூா் போலீஸாா் அந்த நபரைப் பிடித்து விசாரணை மேற்கொண்டனா்.

அவா் கோவை பீளமேடு, காந்திமா நகரைச் சோ்ந்த பாலமுருகன் மகன் சுரேஷ்குமாா் (27) என்பது விசாரணையில் தெரியவந்தது. இதையடுத்து அவரை போலீஸாா் கைது செய்தனா். இவா் சூலூா், பல்லடம் உள்ளிட்ட பகுதிகளில் திருட்டு வழக்குகளில் தொடா்புடையவா் என்பது குறிப்பிடத்தக்கது.