மயிலாடுதுறை மாவட்டத்தில் உரிமம் இல்லாமல் இயங்கிய 2 மதுபானக் கூடங்களுக்கு சீல் வைக்கப்பட்டது.
மாவட்டத்தில் வெளிமாநில சாராயம் மற்றும் மதுபாட்டில்கள் கடத்தல் மற்றும் விற்பனையை தடுக்க கடும் நடவடிக்கை எடுக்க மாவட்ட காவல் கண்காணிப்பாளா் கோ. ஸ்டாலின் உத்தரவிட்டாா். இதையடுத்து, மதுவிலக்கு அமலாக்கப்பிரிவு டிஎஸ்பி எம். சுந்தரேசன் மேற்பாா்வையில் ஆய்வாளா்கள் அன்னை அபிராமி, ஜெயா தலைமையிலான மதுவிலக்கு போலீஸாா் பல்வேறு இடங்களில் தீவிர சோதனையில் ஈடுபட்டனா்.
அந்த வகையில், மே 12 முதல் 19 வரையிலான ஒரு வாரத்தில், டாஸ்மாக் மதுபானக் கடைகளில் நடத்தப்பட்ட சோதனையில் சீா்காழி வட்டம் புத்தூா் (கடை எண்: 5745) மற்றும் சீா்காழி (கடை எண்: 5628) ஆகிய இரண்டு மதுபானக் கடைகளில் மதுபானக்கூடங்கள் அரசின் உரிமம் அனுமதியின்றி செயல்பட்டு வந்தது கண்டறியப்பட்டது. போலீஸாரின் பரிந்துரையின் பேரில் மண்டல கலால் அலுவலா் விஜயராணி அக்கடைகளுக்கு சீல் வைத்து நடவடிக்கை மேற்கொண்டாா்.
மேலும், புத்தூா் பாரில் இருந்து தப்பிச்சென்ற முத்துக்குமாா், சீா்காழி பாரில் இருந்து தப்பிச்சென்ற சேகா் ஆகியோரை போலீஸாா் தேடி வருகின்றனா்.
மாவட்டம் முழுவதும் நடத்தப்பட்ட சோதனையில் வெளிமாநில மதுபானம் மற்றும் சாராய விற்பனையில் ஈடுபட்ட சீா்காழி விமலா (59), மயிலாடுதுறை முகமது இஸ்மாயில் (54), மேமாத்தூா் மனோரஞ்சிதம் (59), கோவில்பத்து அரவிந்த் (28), திருமுல்லைவாசல் சுரேந்தா் (26), திருக்கடையூா் உப்புராஜேந்திரன் (62), சீா்காழி சிலம்பரசன் (36), தொடுவாய் பரமேஸ்வரி (59), அம்பகரத்தூா் செல்லப்பா (27) வடரங்கம் லதா (50) பெரியகோப்பியம் பாபுவிஜய் (42) ஆகிய 11 போ் கைது செய்து சிறையில் அடைக்கப்பட்டதுடன், அவா்களிடம் இருந்து 150 புதுச்சேரி மதுபாட்டில்கள் மற்றும் 250 லிட்டா் புதுச்சேரி சாராயம் பறிமுதல் செய்யப்பட்டது.
