உரிய ஆவணங்கள் இல்லாத 130 டன் விதை நெல் விற்பனைக்கு தடை

தாராபுரம் பகுதியில் உரிய ஆவணங்கள் இல்லாமல் வைக்கப்பட்டிருந்த 130 டன் விதை நெல்லை விற்பனை செய்ய அதிகாரிகள் தடை விதித்துள்ளனா்.

நடப்பு சம்பா பருவத்துக்கு தயாராக இருக்கும் நெல் விதைகளை ஈரோடு விதை ஆய்வு துணை இயக்குநா் பெ.சுமதி தலைமையில், ஈரோடு, பவானி, தாராபுரம் ஆகிய பகுதிகளைச் சோ்ந்த விதை ஆய்வாளா்கள் குழுவினா் தாராபுரம் வட்டாரத்தில் உள்ள தனியாா் நெல் விதை உற்பத்தி மற்றும் விதை விற்பனை நிலையங்களில் வியாழக்கிழமை சோதனை மேற்கொண்டனா்.

இதில், விதை விற்பனை உரிமம், உண்மை நிலை விதைகளுக்கான ஆவணங்கள், முளைப்புத்திறன் பரிசோதனை முடிவு அறிக்கை உள்ளிட்டவற்றை அலுவலா்கள் ஆய்வு மேற்கொண்டனா்.

அப்போது, விதை இருப்புக்கும், ஆவணங்களில் உள்ள பதிவுக்கும் வேறுபாடு, உண்மை நிலை விதைகளுக்கான விதையின் ஆதார ஆவணங்கள் உள்ளிட்டவற்றை முறையாக பராமரிக்காதது தெரியவந்தது. இதையடுத்து, 130 டன் விதை நெல் குவியலை விற்பனை செய்யத் தடை விதிக்கப்பட்டது. இதன் மதிப்பு ரூ.56.86 லட்சம் எனக் கூறப்படுகிறது.

இது குறித்து விதை ஆய்வு துணை இயக்குநா் பெ.சுமதி கூறியதாவது: விவசாயிகளுக்கு விதைகளை விற்பனை செய்யும்போது விற்பனை ரசீது கொடுக்க வேண்டும். அதில் விதையின் பெயா், ரகம், குவியல் எண், காலாவதி நாள் ஆகியவற்றுடன் விவசாயியின் பெயா், முகவரியுடன் விதை வாங்குபவரின் கையொப்பம் பெறப்பட்டிருக்க வேண்டும்.

விதை விற்பனை தொடா்பான ஆவணங்கள் இல்லாமல் விதை விற்பனை செய்வது விதை சட்டம் மற்றும் விதை கட்டுப்பாடு ஆணையத்தின்படி விதிமீறல் ஆகும்.

இதுபோன்ற விதை விற்பனை விதிமீறல்கள் கண்டறியப்படும்பட்சத்தில், விதை விற்பனையாளா்கள் மற்றும் விநியோகஸ்தா்கள் மீது நடவடிக்கை எடுக்கப்படும் என்றாா்.