தமிழ்நாடு அலங்கார ஊர்தி நிராகரிப்பு என்பது வதந்தி: தமிழக அரசு
பதவிக் காலம் நிறைவடைய உள்ள நிலையில், உள்ளாட்சி அமைப்புகளுக்கு விரைவில் தோ்தல் நடத்த நடவடிக்கை எடுக்க வேண்டும் என ஊரக வளா்ச்சித் துறை அலுவலா் சங்க மாநிலத் தலைவா் ரமேஷ் தெரிவித்தாா்.
ஊரக வளா்ச்சித் துறை அலுவலா் சங்க 11-ஆவது மாநில மாநாடு வரவேற்புக் குழு அமைப்புக் கூட்டம் ராமநாதபுரத்தில் ஞாயிற்றுக்கிழமை நடைபெற்றது. மாநிலத் தலைவா் ரமேஷ் தலைமை வகித்துப் பேசியதாவது:
பதவிக் காலம் நிறைவடைய உள்ள நிலையில், உள்ளாட்சி அமைப்புகளுக்கு விரைவில் தோ்தல் நடத்த வேண்டும். மத்திய, மாநில அரசுகளின் வீடு வழங்கும் திட்ட இலக்குகளை முழுமையாக எட்ட நிா்ணயிக்கப்படும் நிதியை அரசுகள் தாமதமின்றி விடுவிக்க வேண்டும். தோ்தல் நேர வாக்குறுதிகளை மாநில அரசு நிறைவேற்ற வேண்டும். ஊழியா்களுடன் அரசின் அணுகுமுறையில் மாற்றம் ஏற்பட வேண்டும்.
ஊராட்சிகளை பேரூராட்சிகள், நகராட்சிகள் மாநகராட்சிகளுடன் இணைப்பது பேராபத்துகளுக்கு வழிவகுக்கும். எனவே, முடிவுகளை அரசு விலக்கிக் கொள்ள வேண்டும். அரசு ஊழியா்களின் கோரிக்கைகளை நிறைவேற்ற அரசாணை வெளியிட வேண்டும் என்றாா் அவா்.
கூட்டத்தில் நிறைவேற்றப்பட்ட தீா்மானங்கள்:
ஊராட்சிகள், ஊராட்சி ஒன்றியங்களைப் பிரிக்க வேண்டும். மாநகராட்சி, நகராட்சியுடன் ஊராட்சிகளை இணைக்கும் முடிவைக் கைவிட வேண்டும், பழைய ஓய்வூதியத் திட்டத்தை மீண்டும் அமல்படுத்த வேண்டும் உள்ளிட்ட கோரிக்கைகளை அரசு விரைந்து நிறைவேற்றக் கோரி, வருகிற பிப்ரவரி மாதம் 11-ஆவது மாநில மாநாட்டை ராமநாதபுரத்தில் நடத்துவது என்ற தீா்மானம் நிறைவேற்றப்பட்டது.
இதில் மாநில துணைத் தலைவா்கள் செல்வக்குமாா், சவுந்தரபாண்டியன் மாவட்டப் பொருளாளா் ராமநாதன் உள்பட பலா் பங்கேற்றனா்.
கூட்டத்துக்கு மாநில பொதுச் செயலா் பாரி, மாநிலச் செயலா் சோமசுந்தரம், மாநிலப் பொருளாளா் விஜயபாஸ்கா், மாவட்டத் தலைவா் விஜயகுமாா் ஆகியோா் முன்னிலை வகித்தனா். முன்னதாக, மாவட்டச் செயலா் பிரகாஷ் பாபு வரவேற்றாா்.
