ஊராட்சி செயலா்களுக்கு வரையறுக்கப்பட்ட ஓய்வூதியம் ஊரக வளா்ச்சித் துறை அலுவலா்கள் வலியுறுத்தல்!

ஊராட்சி செயலா்களுக்கு வரையறுக்கப்பட்ட சிறப்பு நிலை மற்றும் வரையறுக்கப்பட்ட ஓய்வூதியம் வழங்க வேண்டும் என ஊரக வளா்ச்சித்துறை அலுவலா்கள் சங்கம் வலியுறுத்தியுள்ளது.

கரூரில் தமிழ்நாடு ஊரக வளா்ச்சித்துறை அலுவலா்கள் சங்க மாவட்ட மாநாடு சனிக்கிழமை நடைபெற்றது. மாநாட்டுக்கு மாவட்டத் தலைவா் மு.கிருஷ்ணமூா்த்தி தலைமை வகித்தாா். இணைச் செயலாளா் கற்பகவள்ளி வரவேற்றாா். இணைச் செயலாளா் மகேந்திரன் சங்கக்கொடியேற்றினாா்.

மாநில செயற்குழு உறுப்பினா் வினோத்குமாா் அஞ்சலி தீா்மானத்தையும், மாவட்டச் செயலாளா் சரவணன் வேலை அறிக்கையையும், பெருளாளா் தமிழ்வாணன் வேலை அறிக்கையயும் வாசித்தனா்.

இதில் மாநிலச் செயலாளா் மு.வீரகடம்பகோபு கோரிக்கைகளை விளக்கிப் பேசினாா். மாநில துணைத்தலைவா் ஜெ.பாஸ்கா்பாபு நிறைவுரையாற்றினாா். மாநாட்டில் ஊரக வளா்ச்சித்துறையில் காலியாக உள்ள ஊராட்சி செயலா் பணியிடங்களை உடனடியாக நிரப்பிட வேண்டும். ஊராட்சி செயலா்களுக்கு சிறப்பு நிலை, தோ்வு நிலை மற்றும் வரையறுக்கப்பட்ட ஓய்வூதியம் வழங்க வேண்டும்.

கலைஞா் கனவு இல்லம், ஊரக வீடுகள் பழுதுநீக்கும் திட்டத்துக்கு புதிய பணியிடங்களை ஏற்படுத்த வேண்டும். கிராம ஊராட்சிகளை பேரூராட்சி, நகராட்சி மற்றும் மாநகராட்சியுடன் இணைக்கும் நடவடிக்கைகளை கைவிட வேண்டும் என்பன உள்ளிட்ட தீா்மானங்கள் நிறைவேற்றப்பட்டன. மாநாட்டில் ஊரக வளா்ச்சித்துறை அலுவலா்கள் திரளாக பங்கேற்றனா்.