ஊராட்சிகளில் தீவிர வரி வசூல்: உதவி திட்ட இயக்குநா் ஆய்வு

ஆம்பூா்: ஆம்பூா் அருகே கிராம ஊராட்சிகளில் தீவிர வரி வசூல் பணி நடைபெறுவதை திருப்பத்தூா் மாவட்ட உதவி திட்ட இயக்குநா் செவ்வாய்க்கிழமை ஆய்வு செய்தாா்.

மாதனூா் ஒன்றியம், ஆம்பூா் அடுத்த துத்திப்பட்டு ஊராட்சி உள்ளிட்ட பல்வேறு ஊராட்சிகளில் தீவிர வரி வசூல் பணி நடைபெறுகிறது. இப்பணியை உதவி திட்ட இயக்குநா் முருகன் தொழிற்சாலைகள், வணிக நிறுவனங்களுக்கு சென்று ஆய்வு செய்து, நிலுவை வரியை செலுத்தவும், உரிமம் பெறாத கட்டடங்கள் உரிமம் பெறவும், தொழில் நிறுவனங்களில் தொழிலாளா்கள் தொழில் வரியை பிடித்தம் செய்து செலுத்தும்படியும் நிா்வாகிகளிடம் கேட்டுக் கொண்டாா். உரிமம் பெறாத கட்டடங்களை ஆய்வு செய்தாா்.

சென்னையில் உள்ள ஊரக வளா்ச்சித் துறை இயக்குனரகம் வரி வசூல் பணியை தீவிரமாக கண்காணிப்பதாகவும் விரைவில் அனைத்து வகையான வரியினங்களையும் செலுத்தும்படியும் ஆலை நிா்வாகத்தை அவா் கேட்டுக் கொண்டாா். வரி செலுத்தாத தொழில் நிறுவனங்களுக்கு நோட்டீஸ் அனுப்பவும் அவா் உத்தரவிட்டாா்.

மாதனூா் வட்டார வளா்ச்சி அலுவலா் சிவலிங்கம், துணை வட்டார வளா்ச்சி அலுவலா் ஈஸ்வரி, ஊராட்சித் தலைவா் சுவிதா கணேஷ், துணைத் தலைவா் விஜய், ஊராட்சி மன்ற உறுப்பினா் அண்ணாதுரை, ஊராட்சி செயலாளா் பாலகிருஷ்ணன் ஆகியோா் உடனிருந்தனா்.

தொடா்ந்து உதவி திட்ட இயக்குநா் ஊராட்சியின் வரவு - செலவு கணக்குகளை தணிக்கை செய்தாா்.