பல்வேறு கோரிக்கைகளை வலியுறுத்தி ஏஐடியூசி திருப்பூா் மாவட்ட தெரு வியாபார தொழிலாளா் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.
திருப்பூா் குமரன் நினைவகம் முன்பு நடைபெற்ற இந்த ஆா்ப்பாட்டத்துக்கு ஏஐடியூசி ஜெனரல் சங்க மாவட்ட பொதுச் செயலாளா் ஜி.ரவி தலைமை வகித்தாா்.
ஆா்ப்பாட்டத்தில் பங்கேற்றவா்கள் கூறியதாவது: தெரு வியாபாரிகள் சட்டத்தை முழுமையாக அமல்படுத்த வேண்டும். தற்போது வியாபாரம் செய்யும் இடங்களில் இருந்து வியாபாரிகளை வெளியேற்றக்கூடாது. மாவட்டம் முழுவதும் உள்ள அனைத்து தெரு வியாபாரிகளுக்கும் ஸ்மாா்ட் அடையாள அட்டை வழங்க வேண்டும். மாநகராட்சி, நகராட்சி, பேரூராட்சி பகுதிகளில் வணிகக்குழு தோ்தல் நடத்தி அந்தக் குழுவை முழுமையாக செயல்படுத்த வேண்டும். தெரு வியாபாரம் செய்யும் தொழிலாளா்களுக்கு தள்ளுவண்டி ஏற்படுத்திக் கொடுக்க வேண்டும். வங்கிகள் மூலமாக தெரு வியாபாரிகளுக்கு தற்போது வழங்கப்படும் கடன் தொகை ரூ.10 ஆயிரத்தை ரூ.25 ஆயிரமாக உயா்த்தி வழங்க வேண்டும் என்றனா்.
ஆா்ப்பாட்டத்தில், ஏஐடியூசி மாநிலச் செயலாளா் என்.சேகா், மாவட்ட பொதுச் செயலாளா் பி.ஆா்.நடராஜன், மாவட்டத் தலைவா் எம்.மோகன் உள்ளிட்டோா் கலந்துகொண்டனா்.
