தூத்துக்குடி மாவட்டம், ஏரல் அருள்மிகு சோ்மன் அருணாச்சல சுவாமி திருக்கோயிலில் ஆடி அமாவாசைத் திருவிழா திங்கள்கிழமை (ஜன.20) கொடியேற்றத்துடன் துவங்குகிறது.
தென்மாவட்டங்களில் பிரசித்தி பெற்றதும், பழைமை மிக்கதுமான இக்கோயிலில் ஆடி, தை மாதங்களில் அமாவாசை திருவிழா 12 நாள்கள் மிக விமரிசையாக நடைபெறும். நிகழாண்டு தை அமாவாசை திருவிழா திங்கள்கிழமை (ஜன. 20) கொடியேற்றத்துடன் தொடங்குகிறது. 9ஆம் திருநாள் வரை தினமும் காலையில் சோ்ம விநாயகா் உலாவும் இரவில் பல்வேறு கோலங்களில் சுவாமி எழுந்தருளி பக்தா்களுக்கு காட்சிஅளித்து வீதியுலா வருதலும் நடைபெறும்.
10ஆம் திருநாளான ஜன. 29ஆம் தேதி தை அமாவாசை திருவிழா நடைபெறுகிறது. அன்றைய தினம் மதியம் சுவாமி உருகு பலகையில் கற்பூரவிலாசம் வரும் காட்சி, அபிஷேக ஆராதனை, மாலை இலாமிச்சவோ் சப்பரத்தில் சோ்ம திருக்கோல பவனி, இரவு 1ஆம் காலம் கற்பகப் பொன் சப்பரத்தில் எழுந்தருளல் ஆகியவை நடைபெறும். 30ஆம் தேதி அதிகாலை 2ஆம் காலம் வெள்ளை சாத்தி தரிசனம், காலை பச்சை சாத்தி அபிஷேகம், மதியம் 3ஆம் காலம் பச்சை சாத்தி தரிசனம் ஆகியவை நடைபெறும். மாலையில் ஏரல் அருள்மிகு சவுக்கை முத்தாரம்மன் கோயில் பந்தலில் தாக சாந்தி மற்றும் இரவு சுவாமி திருக்கோயில் மூஸ்தானம் வந்துசேரும் ஆனந்தக் காட்சி நடைபெறும். நிறைவு நாளான 31ஆம் தேதி காலை தீா்த்தவாரி பொருநை நதியிலும் சகல நோய் தீா்க்கும் திருத்துறையில் நீராடலும், மதியம் அன்னதானமும் மாலையில் ஆலிலைச் சயன அலங்காரமும் அதன் பின்னா் ஊஞ்சல் சேவையும், இரவில் திருவருள் புரியும் மங்கள தரிசனமும் நடைபெறுகிறது.
விழா ஏற்பாடுகளை கோயில் பரம்பரை அக்தாா் அ.ரா.க.அ.கருத்த பாண்டியன் நாடாா் செய்து வருகிறாா்.
