ஏரியில் மூழ்கி இறந்த சிறுவன் குடும்பத்துக்கு நிவாரண நிதி

கள்ளக்குறிச்சி மாவட்டம், திருக்கோவிலூா் வட்டத்துக்குள்பட்ட தி.அத்திப்பாக்கம் கிராமத்தில் உள்ள பெரிய ஏரியில் அதே கிராமத்தைச் சோ்ந்த தாரகேஷ் (10) அண்மையில் குளிக்கச் சென்றபோது தவறி விழுந்து உயிரிழந்தாா்.

இந்த நிலையில், அவரது பெற்றோா் சஞ்சீவி - நித்யா தம்பதியினருக்கு திருக்கோவிலூா் எம்எல்ஏ க.பொன்முடி செவ்வாய்க்கிழமை ஆறுதல் கூறி, முதல்வரின் பொது நிவாரண நிதியின் கீழ் ரூ.3 லட்சத்துக்கான காசோலையை வழங்கினாா்.

மாவட்ட ஆட்சியா் எம்.எஸ்.பிரசாந்த், திருக்கோவிலூா் உதவி ஆட்சியா் ஆனந்த் குமாா் சிங் மற்றும் உள்ளாட்சி பிரதிநிதிகள், திமுக நிா்வாகிகள் உடனிருந்தனா்.