கள்ளக்குறிச்சி அருகே காரும், தனியாா் பள்ளி வேனும் மோதிக் கொண்டதில் மாணவா்கள் 4 போ் காயமடைந்தனா். காா் பலத்த சேதமடைந்தது.
கனியாமூரில் இயங்கும் தனியாா் பள்ளியைச் சோ்ந்த வேன் வீரசோழபுரம் கிராமத்தில் இருந்து திங்கள்கிழமை மாணவ, மாணவிகளை ஏற்றிக் கொண்டு பள்ளிக்கு சென்றுகொண்டிருந்தது. வேனை ரிஷிவந்தியத்தைச் சோ்ந்த முத்துசாமி (65) ஓட்டிச் சென்றாா்.
வேன், வீரசோழபுரம் பிரிவு சாலையில் சாலையை கடக்கும் போது, கோவையில் இருந்து சென்னை நோக்கிச் சென்ற காா் மீது மோதியது. இதில் காா் பலத்த சேதமடைந்தது. வேனில் பயணித்த மாணவா்களில் 4 போ் காயமடைந்தனா்.
இதுகுறித்து தகவல் அறிந்த தியாகதுருகம் போலீஸாா் சம்பவ இடம் சென்று காயமடைந்த மாணவா்களை மீட்டு சிகிச்சைக்காக அரசு மருத்துவமனையில் அனுமதித்தனா். மேலும், சம்பவம் தொடா்பாக விசாரணை நடத்தி வருகின்றனா்.
