ஏற்காட்டில் தோட்டக்கலை மாணவா்களுக்கு காபி சாகுபடி பயிற்சி

ஏற்காடு தோட்டக்கலை ஆராய்ச்சி நிலையத்தில், திண்டுக்கல் மாவட்டத்தைச் சோ்ந்த தோட்டக்கலை மாணவ, மாணவிகளுக்கு காபி சாகுபடி குறித்த ஏழு நாள் பயிற்சி நடைபெற்றது.

செம்பட்டி ஆா்.வி.எஸ். பத்மாவதி அம்மாள் தோட்டக்கலை கல்லூரி நான்காம் ஆண்டு மாணவ, மாணவிகளுக்கு காபி சாகுபடி குறித்த பயிற்சியை தோட்டக்கலை ஆராய்ச்சி நிலைய இணைப் பேராசிரியரும் தலைவருமான மாலதி தொடங்கி வைத்தாா். இதில் காபி ரகங்கள், இனப்பெருக்க முறைகள், நாற்றங்கால் மேலாண்மை தொழில்நுட்பங்கள், சாகுபடி தொழில்நுட்பங்கள், உர நிா்வாக முறை, மண்வளம், பூச்சி நோய், களை, வேளாண் கழிவு மேலாண்மை, வறட்சி மேலாண்மை முறைகள், அறுவடைக்குப் பின் சாா்தொழில்நுட்பங்கள், மதிப்புக் கூட்டுதல் தொழில்நுட்பப் பயிற்சிகளும் செயல் விளக்கமும் செய்து காண்பிக்கப்பட்டன.

மேலும் ஏற்காடு காபி வாரியத்திற்கு மாணவ, மாணவிகள் அழைத்து வரப்பட்டு காபி வாரிய முதுநிலை அலுவலா் ஸ்ரீதரன் முன்னிலையில் செயல்விளக்கம் அளிக்கப்பட்டது. பயிற்சிக்கான ஏற்பாடுகளை ஏற்காடு தோட்டக்கலை ஆராய்ச்சி நிலைய இணைப் பேராசிரியா்கள் சண்முகசுந்தரம், பூச்சியியல் இணைப் பேராசிரியா் செந்தில்குமாா் ஆகியோா் செய்திருந்தனா். செம்பட்டி பகுதி ஆா்.வி.எஸ். பத்மாவதி அம்மாள் தோட்டக்கலை கல்லூரி உதவி பேராசிரியா்கள் வா்ஷினி, அமிா்தலிங்கம் ஆகியோா் மாணவ, மாணவிகளை காபி பயிற்சிக்கு அழைத்து வந்திருந்தனா்.

படவரி...

ஏற்காட்டில் காபி சாகுபடி குறித்து செயல் விளக்கம் அளித்த தோட்டக்கலை ஆராய்ச்சி நிலைய இணை பேராசிரியரும் தலைவருமான மாலதி.