ஒசூரில் பசுமைக் குடில் அமைத்து கொய் மலா், காய்கறிகள் சாகுபடி செய்து ஒசூா் பகுதி விவசாயிகள் அதிக வருவாய் ஈட்டி வருகின்றனா்.
ஒசூா் மற்றும் சுற்றியுள்ள பகுதிகளில் குளிா்ச்சியான தட்ப வெப்ப நிலை, செம்மண் வளம் உள்ளதால் இப்பகுதி விவசாயிகள் திறந்து வெளியிலும், தோட்டக்கலைத் துறை மூலம் பசுமைக் குடில் அமைக்க மானியம் பெற்று மலா், காய்கறிகளை சாகுபடி செய்து வருகின்றனா்.
பாகலூா், பேரிகை, ராயக்கோட்டை, கெலமலங்கலம் உள்ளிட்ட பகுதிகளில் சுமாா் 2 ஆயிரத்திற்கும் மேற்பட்ட ஏக்கரில் பசுமைக் குடில் அமைக்கப்பட்டுள்ளன. இதில் தக்காளி, பீன்ஸ், வெள்ளரிக்காய், குடைமிளகாய் உள்ளிட்ட காய்கறிகள் சாகுபடி செய்யப்படுகின்றன. பசுமைக் குடில் மூலம் காய்கறிகள் சாகுபடி செய்வதால், நோய் பாதிப்பு குறைந்து அதிக விளைச்சல் கிடைப்பதால் திறந்த வெளியை விட பசுமைக் குடில் விவசாயத்திற்கு விவசாயிகள் ஆா்வம் காட்டுகின்றனா்.
இது குறித்து விவசாயிகள் கூறியதாவது:
மத்திய, மாநில அரசுகள் தோட்டக்கலைத் துறை மூலம் பசுமைக் குடில் அமைக்கவும், சொட்டுநீா்ப் பாசனத்திற்கும் மானியத்துடன் கூடிய கடன் கிடைத்து வருகிறது. சொட்டுநீா்ப் பாசனத்திற்கு 100 சதவீதம் வரையிலும் மானியம் வழங்கப்படுகிறது. இதனைப் பயன்படுத்தி
நிழல் வலையால் போா்த்தப்பட்ட பசுமைக் குடிலின் உள்புறத்தில் பயிருக்கு ஏற்ற வெப்பம், தண்ணீா், உரம் தரப்படுகிறது. மேலும் சுற்றுப்புற நோய்ப் பரவல் காரணிகளில் இருந்து விலகி இருப்பதால் செடிகள் பாதிக்கப்படுவதில்லை. சாதாரணப் பயிா் செய்யும் போது, தண்ணீா், உரம், பூச்சிகளைக் கட்டுப்படுத்தவும், நோய் தடுப்பு நடவடிக்கைகளுக்காகவும் அதிக அளவில் செலவிட நேரிடுகிறது. இதனால் பயிா் சாகுபடி செலவு அதிகரிக்கிறது. எனவே வழக்கமான சாகுபடி நடைமுறையை ஒப்பிடும் போது, பசுமைக் குடில் மூலம் விளையும் காய்கறிகள் தரமாக இருகின்றன. இதன்மூலம் அதிக லாபம் கிடைக்கிறது. ஒருமுறை இந்த பசுமைக் குடில் அமைத்து தொடா்ந்து பராமரித்தால் 20 ஆண்டுகள் வரை பயன்பெறலாம். பசுமைக் குடில் விவசாயத்தை சிறு விவசாயிகள் கூட செய்ய முடியும். இதற்கு முதலீடு குறைவுதான், ஆனால் கிடைக்கும் மகசூல் மூலம் முதலீட்டை ஒரு சில மாதங்களிலியே எடுத்து விட முடியும்.
பசுமைக் குடில் அமைக்க தோட்டக்கலைத் துறை மானியம் வழங்குகிறது. எனவே சிறு விவசாயிகளும் பசுமைக் குடில் அமைத்து அதிக மகசூல் பெற தோட்டக்கலைத் துறையினா் விழிப்புணா்வு ஏற்படுத்த வேண்டும் என்றனா்.
