கரூரில் பள்ளி, கல்லூரி மாணவிகளுக்கு விளையாட்டுப் போட்டிகள்: அமைச்சா் தொடங்கி வைத்தாா்!

கரூரில் பள்ளி, கல்லூரி, மாணவிகளுக்கான விளையாட்டுப்போட்டிகளை சனிக்கிழமை மின்சாரம், மதுவிலக்கு மற்றும் ஆயத்தீா்வைத்துறை அமைச்சா் வி.செந்தில்பாலாஜி தொடங்கி வைத்தாா்.

தமிழக துணை முதல்வா் உதயநிதி ஸ்டாலினின் பிறந்த நாளை முன்னிட்டு மாவட்ட திமுக சாா்பில் மாவட்ட அளவில் பள்ளி, கல்லூரி மாணவ, மாணவிகளுக்கான விளையாட்டுப் போட்டிகள் திருவள்ளுவா் விளையாட்டு மைதானத்தில் சனிக்கிழமை தொடங்கியது.

போட்டியை அமைச்சா் வி.செந்தில்பாலாஜி தொடங்கி வைத்தாா். பின்னா் அவா் கூறியது, தமிழக துணை முதல்வா் உதயநிதிஸ்டாலின் பிறந்த தினத்தை முன்னிட்டு நடைபெறும் இப்போட்டிகளில் ஒவ்வொரு பிரிவுக்கும் நடைபெற்று தனித்தனியாக முதல், இரண்டாம், மூன்றாம் பரிசுகள் என வழங்கப்பட உள்ளன.

மேலும் குழுப்போட்டியில் முதலிடம் பெறும் அணிக்கு பரிசாக ரூ.7,500, இரண்டாம் பரிசாக ரூ.5,000, மூன்றாம் பரிசாக ரூ.2,500 வழங்கப்படும். தனிப்பிரிவு போட்டியில் முதலிடம் பெறும் வீரா், வீராங்கனைக்கு பரிசாக ரூ.1000, இரண்டாம் பரிசாக ரூ.750, மூன்றாம் பரிசாக ரூ.500 வழங்கப்படும் என்றாா் அவா்.