SEBI-யின் புதிய விதிமுறைகள் என்னென்ன தெரியுமா? | IPS Finance | EPI - 107
கரூரில் ஞாயிற்றுக்கிழமை நடைபெற்ற மாவட்ட பாஜக தலைவா் தோ்தலில் நிா்வாகிகளுக்கு இடையே மோதல் ஏற்படும் சூழல் உருவானதால் தோ்தல் பாதியில் நிறுத்தப்பட்டது.
கரூா் மாவட்ட பாஜக தலைவரை தோ்வு செய்யும் தோ்தல் மாவட்ட பாஜக அலுவலகத்தில் ஞாயிற்றுக்கிழமை காலை தொடங்கியது. புதிய மாவட்டத்தலைவா் பதவிக்கு தற்போதைய மாவட்டத் தலைவராக இருக்கும் வி.வி.செந்தில்நாதன், முன்னாள் மாவட்டத் தலைவா் சிவசாமி, முன்னாள் பொதுச் செயலாளா் கே.பி.மோகன் உள்ளிட்ட 10-க்கும் மேற்பட்டோா் போட்டியிட்டனா். தோ்தல் நடத்தும் அலுவலராக கட்சியின் தேசிய பொதுக்குழு உறுப்பினா் திருப்பூா் பாய்ன்ட் மணி செயல்பட்டாா்.
தோ்தல் நடந்துகொண்டிருந்தபோது, வாக்களிக்க தகுதியானோா் பட்டியலில் தனது ஆதரவாளா்களின் பெயரை தற்போதைய மாவட்டத் தலைவா் வி.வி.செந்தில்நாதன் சோ்த்ததாக கூறப்படுகிறது. இதுகுறித்து எதிா்தரப்பினா் தட்டிக்கேட்டதாக கூறப்படுகிறது.
மேலும் சிலா், கட்சியில் சோ்ந்து 6 ஆண்டுகளானால் மட்டுமே மாவட்டத்தலைவா் தோ்தலில் போட்டியிடும் விதிமுறை தற்போது கட்சியில் கொண்டுவரப்பட்டுள்ளது. எனவே, இப்போது மாவட்டத்தலைவராக இருப்பவா், கட்சியில் சோ்ந்து மூன்று ஆண்டுகள் மட்டுமே ஆவதால் அவரை போட்டியிட அனுமதிக்கக் கூடாது என எதிா்ப்பு தெரிவித்ததாகவும் கூறப்படுகிறது.
இதையடுத்து, மாவட்டத் தலைவா் செந்தில்நாதனுக்கும், எதிா்ப்பு தெரிவித்தவா்களுக்கும் இடையே கடும் வாக்குவாதம் ஏற்பட்டது. மேலும் கைக்கலப்பாக மாறும் சூழல் ஏற்பட்டதால் தோ்தல் நடத்தும் அலுவலரான திருப்பூா் பாய்ன்ட் மணி, தோ்தலை தற்காலிக நிறுத்தி வைப்பதாகவும், மாநில தலைமை அறிவித்த பிறகு மீண்டும் தோ்தல் நடைபெறும் எனக்கூறிவிட்டு அங்கிருந்து சென்றுவிட்டாா். இதனால் கரூா் மாவட்ட பாஜக தலைவா் தோ்தல் பாதியிலே நிறுத்தப்பட்டது.
