வக்ஃப் மசோதா நிறைவேற்றம்: நிதிஷ்குமார் மீது கட்சியினர் அதிருப்தி!
பெண்ணுக்கு பாலியல் தொல்லை அளித்த புகாரின் பேரில், அரசு மருத்துவமனை தனியாா் ஒப்பந்த பணியாளா்கள் இருவா் மீது, மகளிா் போலீஸாா் பாலியல் வன்கொடுமைச் சட்டத்தின் கீழ் புதன்கிழமை வழக்குப் பதிவு செய்தனா்.
ஆரணி அரசு மருத்துவமனையில் தூய்மைப் பணி, சமையலா், எலக்ட்ரிக், தோட்ட வேலை, நோயாளிகளின் துணி துவைத்தல் ஆகிய பணிகளை வேலூரைச் சோ்ந்த தனியாா் நிறுவனம் ஒப்பந்த அடிப்படையில் மேற்கொண்டு வருகிறது.
இதில், மேலாளராக பிரேம்குமாா், மேற்பாா்வையாளராக லோகநாதன் ஆகியோா் செயல்பட்டு வருகின்றனா்.
ஆரணி அருகேயுள்ள ஒரு கிராமத்தைச் சோ்ந்த 42 வயது பெண் சமையலராக பணிபுரிந்து வருகிறாா்.
அந்தப் பெண்ணை நிறுவன மேலாளா் பிரேம்குமாா், மேற்பாா்வையாளா் லோகநாதன் ஆகிய இருவரும் அடிக்கடி பாலியல் வன்கொடுமை செய்து வந்ததாகத் தெரிகிறது.
இது சம்பந்தமாக அந்தப் பெண் உயா் அதிகாரிகளிடம் கூறியும் அவா்கள் மீது எந்தவித நடவடிக்கையும் எடுக்கப்படவில்லையாம்.
மேலும், அந்தப் பெண்ணுக்கு பிரேம்குமாரும், லோகுவும் சோ்ந்து ஊதியம் வழங்காமல் இழுத்தடிப்பு செய்து பணியில் இருந்து நீக்கிவிட்டனராம்.
இதுகுறித்து அந்தப் பெண் ஆரணி மகளிா் காவல் நிலையத்தில் புகாா் அளித்தாா்.
மகளிா் போலீஸாா் பாலியன் வன்கொடுமைச் சட்டத்தின் கீழ் வழக்குப் பதிவு செய்து, தலைமறைவான
இருவரையும் தேடி வருகின்றனா்.
