ஓடும் ரயிலில் மூதாட்டியிடம் 6 பவுன் தங்கச் சங்கிலி பறிப்பு

அரக்கோணம் அருகே ஓடும் ரயிலில் மூதாட்டியிடம் 6 பவுன் தங்கச் சங்கிலி பறித்துச் சென்ற நபரை போலீஸாா் தேடி வருகின்றனா்.

சென்னை கொரட்டூா் பகுதியில் வசிப்பவா் பாலசரஸ்வதி (60). இவா் திருப்பதிக்குச் சென்று சாமி தரிசனம் செய்து விட்டு, ரேணிகுண்டாவில் இருந்து சென்னைக்கு, மும்பை சத்ரபதி சிவாஜி டொ்மினல்-சென்னை அதிவிரைவு ரயிலில் திரும்பிக் கொண்டிருந்தாா். வியாழக்கிழமை பிற்பகல் இந்த ரயில் அரக்கோணம் ரயில் நிலையத்தில் நின்று புறப்பட்டபோது, ரயிலில் பாலசரஸ்வதி அமா்ந்திருந்த பெட்டியில் இருந்த நபா் ஒருவா் திடீரென பாலசரஸ்வதியின் கழுத்தில் இருந்த தங்கச் சங்கிலியை பறித்துக் கொண்டு ரயிலை விட்டு கீழே இறங்கி ஓடிவிட்டாா். அப்போது உடனிருந்த பயணிகள் கூச்சலிட்டபோதும், நடைமேடையில் இருந்தவா்களால் அந்த நபரை பிடிக்க முடியவில்லை. பறிபோன சங்கிலி 6 பவுன் என புகாரில் பாலசரஸ்வதி தெரிவித்துள்ளாா்.

இது குறித்து அரக்கோணம் ரயில்வே போலீஸாா் விசாரணை நடத்தி வழக்குப் பதிந்து தங்கச் சங்கிலி பறித்துச் சென்ற நபரை தேடி வருகின்றனா்.