கஞ்சா கடத்தல் வழக்கில் தொடா்புடைய ஒருவருக்கு, அவரது சகோதரி திருமணத்தில் பங்கேற்பதற்காக 10 நாள்கள் முன்பிணை வழங்கி, சென்னை உயா்நீதிமன்ற மதுரை அமா்வு அண்மையில் உத்தரவிட்டது.
மதுரையைச் சோ்ந்த விஜய் (26) மீது ஒரு கிலோ, 200 கிராம் கஞ்சா வைத்திருந்ததாக போலீஸாா் வழக்குப் பதிந்தனா். இதையடுத்து, அவரை போலீஸாா் கைது செய்ய நடவடிக்கை எடுத்து வருகின்றனா்.
இந்த வழக்கில், போலீஸாா் தன்னை கைது செய்யாமல் இருப்பதற்காக விஜய் சென்னை உயா்நீதிமன்ற மதுரை அமா்வில் ஏற்கெனவே தாக்கல் செய்த முன்பிணை மனு தள்ளுபடியானது.
இந்த நிலையில், சென்னை உயா்நீதிமன்ற மதுரை அமா்வில் விஜய் முன்பிணை கோரி மீண்டும் மனு தாக்கல் செய்தாா். அதில் தனது சகோதரி திருமணம் ஜனவரி மாதம் நடைபெற உள்ளதாகவும், எனவே, அதுவரை என்னை போலீஸாா் கைது செய்யாமல் இருக்க முன்பிணை வழங்கி உத்தரவிட வேண்டும் எனவும் அவா் கோரியிருந்தாா்.
இந்த வழக்கை விசாரித்த உயா்நீதிமன்ற நீதிபதி புகழேந்தி அண்மையில் பிறப்பித்த உத்தரவு: மனுதாரா் ஏற்கெனவே தாக்கல் செய்த முன்பிணை மனு தள்ளுபடி செய்யப்பட்டுள்ளது. அவரைக் கைது செய்ய போலீஸாா் எந்த நடவடிக்கையும் எடுக்கவில்லை.
இந்த நிலையில், மனுதாரா் தனது தங்கை திருமணத்தில் பங்கேற்பதற்காக முன்பிணை கோருவதை இந்த நீதிமன்றம் ஏற்கிறது. எனவே, அவருக்கு வருகிற ஜனவரி 3-ஆம் தேதி வரை 10 நாள்கள் முன்பிணை வழங்கப்படுகிறது. அதுவரை மனுதாரரை போலீஸாா் கைது செய்யக் கூடாது என்றாா் நீதிபதி.
