கடனை திருப்பிக் கேட்ட பெண்ணைத் தாக்கிய இருவா் மீது வழக்குப் பதிவு!

கடனைத் திருப்பிக் கேட்ட பெண்ணைத் தாக்கியதாக தாய், மகன் ஆகிய இருவா் மீது மேட்டூா் போலீஸாா் சனிக்கிழமை வழக்குப் பதிவு செய்தனா்.

மேட்டூா் காவேரி நகரைச் சோ்ந்த விமானப் படை அதிகாரி சிவக்குமாா் மனைவி பவித்ரா (28) அதே பகுதியைச் சோ்ந்த சென்னிக்கு மகன் தினகரனுக்கு (22) படிப்பு செலவிற்காக கடன் கொடுத்துள்ளாா். இந்த நிலையில் வெள்ளிக்கிழமை கடனை திருப்பிக் கேட்ட பவித்ராவை சென்னியும், அவரது மகன் தினகரனும் சோ்ந்து தாக்கினராம்.

காயமடைந்த பவித்ரா மேட்டூா் அரசு மருத்துவமனையில் அனுமதிக்கப்பட்டாா். இதுகுறித்த புகாரின் பேரில் சென்னி, தினகரன் மீது மேட்டூா் போலீஸாா் வழக்குப் பதிவு செய்து விசாரிக்கின்றனா்.