"கண்ணப்பா படத்தை ட்ரோல் செய்பவர்கள் சிவனின் கோபத்துக்கு ஆளாவார்கள்" - கொதிக்கும் நடிகர் ரகு பாபு

முகேஷ் குமார் சிங் இயக்கத்தில் பக்தி - பேண்டஸி கலந்த திரைப்படமாக உருவாகியிருக்கும் தெலுங்கு மொழி திரைப்படம் 'கண்ணப்பா'.

சிவனை வழிப்படும் தீவிர பக்தரான கண்ணப்பரைப் பற்றியது இப்படம்.

நடிகர் விஷ்ணு மஞ்சு கண்ணப்பர் கதாபாத்திரத்தில் நடிக்க, மது ,சரத்குமார், ப்ரீத்தி முகுந்தன், ராகுல் ராமகிருஷ்ணா, பிரம்மானந்தம், மோகன் பாபு உள்ளிட்டோர் நடித்திருக்கின்றனர்.

மோகன்லால், பிரபாஸ், அக்ஷய்குமார் மற்றும் காஜல் அகர்வால் கௌரவத் தோற்றத்தில் நடித்துள்ளனர்.

இத்திரைப்படம் வரும் ஏப்ரல் 25 ஆம் தேதி தமிழ், தெலுங்கு, இந்தி, ஆங்கிலம், கன்னடம் ஆகிய மொழிகளில் ஒரு பான் இந்தியத் திரைப்படமாக வெளியாகவுள்ளது.

சமீபத்தில் இப்படத்தின் ட்ரெய்லர் வெளியாகியிருந்த நிலையில் பலரும் அதனை ட்ரோல் செய்து சமூக வலைத்தளங்களில் பதிவிட்டு வந்தனர்.

இந்நிலையில் இதுகுறித்துப் பேசியிருக்கும் நடிகர் ரகு பாபு, "இந்தப் படத்தை யார் ட்ரோல் செய்தாலும், அவர் எவ்வளவு பெரிய ஆளாக இருந்தாலும், கடவுள் சிவனின் கோபத்துக்கு ஆளாவார்.

இது 100 சதவீதம் உண்மை. அது யாராக இருந்தாலும் அவர் அவ்வளவுதான்” என்று கோபத்துடன் கூறியிருந்தார்.

இது சமூக வலைத்தளங்களில் வைரலாக, "நல்ல படம் எடுக்கவில்லை என்றால், நீங்கதான் நரகத்திற்குப் போவீர்கள்" என நெட்டிசன்கள் பதிலுக்கு ட்ரோல் செய்து வருகின்றனர்.

இது சமூக வலைத்தளங்களில் வைரலாகி வருகிறது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks