கயத்தாறில் திங்கள்கிழமை சாலை மறியலில் ஈடுபட்ட தமிழ் புலிகள் கட்சியினா் 12 பேரை போலீஸாா் கைது செய்தனா்.
கோவை மாவட்டம் மேட்டுப்பாளையம் அருகே 2019ஆம் ஆண்டு டிச. 2இல், ஒரு வீட்டின் 20 அடி உயர சுற்றுச்சுவா் பலத்த மழையால் இடிந்து விழுந்ததில், அருகேயிருந்த குடியிருப்புகளில் வசித்துவந்த 17 போ் உயிரிழந்தனா்.
அதன் நினைவுதினத்தையொட்டி திங்கள்கிழமை அஞ்சலி செலுத்தச் சென்ற கட்சி நிறுவனா் தலைவா் நாகை திருவள்ளுவன் கைது செய்யப்பட்டாா்.
இதைக் கண்டித்து, கயத்தாறில் நடைபெற்ற ஆா்ப்பாட்டத்துக்கு வடக்கு மாவட்டச் செயலா் வீரபெருமாள் தலைமை வகித்தாா். தெற்கு மாவட்டச் செயலா் சரவணன், மாவட்ட துணைச் செயலா் கரிகாலன், மாவட்ட நிதிச் செயலா் மதிவேந்தன் உள்ளிட்ட பலா் பங்கேற்று முழக்கமிட்டனா். பாதுகாப்பு நின்றிருந்த போலீஸாா், மறியலில் ஈடுபட்ட 12 பேரைக் கைது செய்தனா்.
