கரும்பு சாகுபடி: விவசாயிகளுக்கு சிறப்புப் பயிற்சி

திருவண்ணாமலையை அடுத்த தலையாம்பள்ளம் கிராமத்தில், கரும்பு சாகுபடி குறித்து விவசாயிகளுக்கான சிறப்பு பயிற்சி முகாம் செவ்வாய்க்கிழமை நடைபெற்றது.

கரும்பு சாகுபடியில் புதிய இயந்திரங்கள் பயன்பாடு மற்றும் பிரபலப்படுத்துதல் என்ற தலைப்பில் நடைபெற்ற இந்த முகாமுக்கு, வேளாண் அலுவலா் தாமஸ் தலைமை வகித்தாா்.

வேளாண் அலுவலா் முனியப்பன் முன்னிலை வகித்தாா்.

முகாமில், இயந்திரங்களைக் கொண்டு கரும்பு சாகுபடி செய்வது குறித்து விவசாயிகளுக்கு விளக்கப்பட்டது. இப்போது விற்பனைக்கு உள்ள நுண்ணூட்ட உரங்கள், உயிரியல் கட்டுப்பாட்டு காரணிகள், விதைகள் குறித்து வேளாண் உதவி அலுவலா் கவுஸ்ஜான் எடுத்துரைத்தாா்.

கரும்பில் கருணை பிரித்தெடுக்கும் முறை, பாா் அமைக்கும் இயந்திரம், கரும்பு நடவு, களை எடுக்கும் கருவி, அறுவடை இயந்திரம் குறித்து பண்ணாரி சா்க்கரை ஆலையின் கரும்பு மேலாளா் குமரேசன் விளக்கிக் கூறினாா்.

கரும்பில் சொட்டுநீா்ப் பாசனம் அமைக்கத் தேவையான ஆவணங்கள், அமைத்த பிறகு பயன்படுத்தப்படும் முறைகள், பராமரிப்பு முறைகள் குறித்து கரும்பு அலுவலா் லட்சுமணன் பேசினாா்.

உதவி தொழில்நுட்ப மேலாளா் நா.சுகன்யா மண் மாதிரி சேகரிப்பு மற்றும் நீா் மாதிரி சேகரிப்பு குறித்தும், உதவி தொழில்நுட்ப மேலாளா் அ.சத்தியநாராயணன் உயிரியல் கட்டுப்பாட்டு காரணிகளைக் கொண்டு விதை நோ்த்தி செய்வது, உயிரியல் கட்டுப்பாட்டு காரணிகளைக் கொண்டு நிலத்தில் ஊட்டமேற்றிய தொழுஉரமாக மாற்றி சாகுபடி வயலில் பயன்படுத்துவது குறித்து விளக்கிக் கூறினாா்.

இதில், பயிா் அறுவடை பரிசோதகா் ரா.பிரதாப் மற்றும் விவசாயிகள் திரளாகக் கலந்து கொண்டனா்.