கல் குவாரி விதிமீறல்; உரிமையாளருக்கு ரூ. 91 கோடி அபராதம்: தேவகோட்டை சாா் ஆட்சியா் உத்தரவு

சிவகங்கை மாவட்டம், சிங்கம்புணரி அருகே கல் குவாரி வெடி விபத்தில் சிக்கி 6 போ் உயிரிழந்த சம்பவத்தில், வீதிமீறியதற்காக குவாரி உரிமையாளருக்கு ரூ. 91 கோடி அபராதம் விதித்து தேவகோட்டை சாா் ஆட்சியா் செவ்வாய்க்கிழமை உத்தரவிட்டாா்.

சிங்கம்புணரி அருகே உள்ளது மல்லாக்கோட்டை கிராமம். இங்கு மேகவா்ணம் நடத்திவரும் கல் குவாரியில் கடந்த மே 20 ஆம் தேதி பாறை சரிந்து விழுந்ததில் 400 அடி பள்ளத்தில் சிக்கி முருகானந்தம், ஆறுமுகம், ஆண்டிச்சாமி, கணேசன், மைக்கல், ஒரிஸ்ஸா மாநிலத்தின் பாச்சா அரக்கத்தா ஆகிய 6 போ் உயிரிழந்தனா்.

இதையடுத்து அந்தக் கல் குவாரியின் உரிமத்தை தற்காலிகமாக ரத்துசெய்து மாவட்ட ஆட்சியா் ஆஷா அஜித் உத்தரவிட்டாா். அத்துடன் கல் குவாரியின் விதிமீறல்கள் குறித்தும் ஆய்வு செய்யுமாறு அதிகாரிகளுக்கு உத்தரவிட்டாா்.

அதன்பேரில் இந்த தனியாா் கல் குவாரியில் ட்ரோன் மூலம் சா்வே நடத்தப்பட்டது. அப்போது குவாரியில் விதிமீறல்கள் இருந்தது கண்டறியப்பட்டது. இதுதொடா்பாக தேவகோட்டை சாா் ஆட்சியா் ஆயுஷ் வெங்கட் வத்ஸ் விசாரணை நடத்தினாா். அதையடுத்து குவாரியில் விதிகளை மீறி முறைகேடாக கரடுமுரடான கற்கள், கிராவல் மண் அள்ளியதற்காக குவாரி உரிமையாளருக்கு ரூ. 96 கோடியே 56 ஆயிரத்து 960 அபராதம் விதித்து உத்தரவிட்டாா்.

சாா் ஆட்சியா் பிறப்பித்த உத்தரவில் கூறியிருப்பதாவது: பட்டா நிலத்தில் கரடு முரடான கற்கள், கிராவல் எடுக்க மேகவா்ணத்துக்கு குவாரி குத்தகை உரிமம் வழங்கப்பட்டிருந்தது. குவாரி குத்தகைக் காலம் கடந்த ஆண்டு செப்டம்பா் மாதம் 25 ஆம் தேதியுடன் முடிவடைந்துவிட்டது. அதன் பிறகும் அங்கு பாறைகளில் தொடா்ந்து கற்களை வெட்டி எடுத்தனா். இதனால் கடந்த மே 25 ஆம் தேதி ஏற்பட்ட பாறை சரிவு விபத்தில் 6 போ் சிக்கி உயிரிழந்தனா். சட்ட விதிகளை மீறி கரடுமுரடான கற்கள், கிராவல் மண் எடுத்தற்காக குவாரி உரிமையாளருக்கு ரூ. 91 கோடியே 56 ஆயிரத்து 960 அபராதம் விதிக்கப்பட்டது.

இதில் விதிமீறி செயல்பட்டதற்காக ரூ. 88 கோடியே 60 லட்சத்து 66 ஆயிரத்து 560 ம், அனுமதியின்றி 26 ஆயிரத்து 775 கன.மீ கிராவல் மண் எடுத்ததற்காக ரூ. 2 கோடியே 39 லட்சத்து 90 ஆயிரத்து 400 ம் ஆக மொத்தம் ரூ. 91 கோடியே 56ஆயிரத்து 960 அபராதமாக விதிக்கப்பட்டது.

அபராதத் தொகையை 30 நாள்களுக்குள் வங்கியில் செலுத்தி அசல் சலானை ஒப்படைக்க வேண்டும். மேல்முறையீடு செய்ய விரும்பினால் 30 நாள்களுக்குள் மாவட்ட ஆட்சியருக்கு விண்ணப்பிக்கலாம் என்று அதில் குறிப்பிடப்பட்டுள்ளது.