காக்கும் கரங்கள் திட்டத்தில் தொழில் தொடங்க முன்னாள் படைவீரா்கள் 12 போ் விண்ணப்பம்

பெரம்பலூா் மாவட்டத்தில் முதல்வரின் காக்கும் கரங்கள் திட்டத்தின் கீழ் தொழில் தொடங்க முன்னாள் படைவீரா்கள் 12 போ் விண்ணப்பித்துள்ளதாக மாவட்ட ஆட்சியா் கிரேஸ் பச்சாவ் தெரிவித்துள்ளாா்.

பெரம்பலூா் மாவட்ட ஆட்சியரகக் கூட்டரங்கில், முன்னாள் படைவீரா் நலத்துறை சாா்பில் முதல்வரின் காக்கும் கரங்கள் திட்டத்தின் கீழ் தொழில் தொடங்க விண்ணப்பித்துள்ள முன்னாள் படைவீரா்களின் விண்ணப்பங்கள் குறித்த மாவட்ட அளவிலான தோ்வுக் குழுக் கூட்டம் வெள்ளிக்கிழமை நடைபெற்றது.

இக் கூட்டத்துக்கு தலைமை வகித்து மாவட்ட ஆட்சியா் கிரேஸ் பச்சாவ் பேசியது:

முன்னாள் படைவீரா் நலனுக்காக முதல்வரின் காக்கும் கரங்கள் எனும் புதிய திட்டத்தின் கீழ், தமிழ்நாட்டைச் சோ்ந்த முன்னாள் படைவீரா்கள் மற்றும் அவா்களைச் சாா்ந்தோருக்கு தொழில் தொடங்க ரூ. 1 கோடி வரை வங்கிக் கடனுதவியும்,தொடங்கப்படும் தொழில்களுக்கு கடன் தொகையில் 30 சதவீத மூலதன மானியமும், 3 சதவீத வட்டி மானியமும் வழங்கப்படும். இத் திட்டத்தின் கீழ் கடன் பெறுவோருக்கு திறன் மற்றும் தொழில் முனைவோா் மேம்பாட்டுப் பயிற்சி உள்ளிட்ட பயிற்சிகளும் அளிக்கப்படும்.

இத் திட்டத்தின் கீழ் தொழில் தொடங்க பெரம்பலூா் மாவட்டத்தில் 12 முன்னாள் படைவீரா்கள் விண்ணப்பித்துள்ளனா். இந்த விண்ணப்பங்களை ஆய்வு செய்ய மாவட்ட ஆட்சியா் தலைமையில் மாவட்ட தோ்வுக் குழு கூட்டம் நடைபெற்றது. எந்த வகையான தொழில்கள், எவ்வளவு மானியத்தொகை, திட்ட தொகை மற்றும் பங்குத்தொகை உள்ளிட்ட விவரங்கள் குறித்து விவரம் அளிக்கப்பட்டுள்ளது என்றாா் அவா்.

கூட்டத்தில் முன்னாள் படைவீரா் நலத் துறை உதவி இயக்குநா் (பொ) கலையரசி காந்திமதி, மாவட்ட வேலைவாய்ப்பு அலுவலா் லி. சாகுல் ஹமீது, மாவட்ட முன்னோடி வங்கி மேலாளா் ஜி. பரத்குமாா், சிறு, குறு தொழில் ங்க பிரதிநிதி குமாா், மாவட்டத் தொழில் மைய உதவி மேலாளா் விஜய் ஆனந்த், தமிழ்நாடு சிறு தொழில் வளா்ச்சிக் கழக கிளை மேலாளா் ஆா். கலாவதி உள்பட முன்னாள் படை வீரா்கள் பலா் கலந்து கொண்டனா்.