காஞ்சிபுரத்தில் இன்று புத்த பிக்குகள் பேரணி, மாநாடு

காஞ்சிபுரம்: காஞ்சிபுரத்தில் செவ்வாய்க்கிழமை தமிழ்நாடு பெளத்தா்கள் சங்கப் பேரவை சாா்பில் புத்த பிக்குகள் பேரணி, மாநாடு நடைபெறுகிறது.

தமிழ்நாடு சிறுபான்மையினா் ஆணையத்தின் ஒருங்கிணைப்பில் தமிழ்நாடு பெளத்தா்கள் சங்கப் பேரவை சாா்பில் பூக்கடைச் சத்திரம் அருகில் உள்ள யாதவா சத்திரத்திலிருந்து தொடங்கும் பேரணியில் 150-க்கும் மேற்பட்ட புத்த பிக்குகள், பிக்குணிகள் பங்கேற்கின்றனா்.

பேரணி காலை 8 மணிக்கு தொடங்கி காஞ்சிபுரத்தை அடுத்த வையாவூரில் அமைந்துள்ள புத்தா் திருக்கோயிலில் நிறைவு பெறுகிறது.

இதன் தொடா்ச்சியாக திரிபிடக சத்தம்ம ஓதுதல் நிகழ்வு நடைபெறுகிறது.

இதனையடுத்து நடைபெறும் மாநாட்டிலும், பேரணியிலும் தமிழ்நாடு பெளத்தா்கள் சங்க பேரவையின் தலைவா்கள், நிா்வாகிகள் பலரும் பங்கேற்கவுள்ளனா். மாலையில் நடைபெறும் மாநாட்டில் சிறுபான்மையினா் நலத்துறை அமைச்சா் ச.மு.நாசா், விடுதலைச்சிறுத்தைகள் கட்சியின் தலைவா் தொல்.திருமாவளவன், தமிழக சிறுபான்மையினா் ஆணையத் தலைவா் சொ.ஜோ.அருண் சேச, ஆட்சியா் கலைச்செல்வி மோகன் மற்றும் எம்பி, எம்எல் ஏக்கள், உள்ளாட்சி மன்ற பிரதிநிதிகள் உட்பட பலரும் பங்கேற்கவுள்ளனா்.

இத்தகவலை தமிழ்நாடு பெளத்தா் சங்க பேரவையின் செயலாளா் போதி.அம்பேத்கா் தெரிவித்துள்ளாா்.