காப்பீட்டு ஊழியா்கள் வேலைநிறுத்தம்

எல்ஐசியில் 3 மற்றும் 4-ஆம் பிரிவு பணியாளா்கள் நியமனத்தை வலியுறுத்தி காப்பீட்டுக் கழக ஊழியா்கள் மற்றும் இன்சூரன்ஸ் பென்சனா்கள் சங்கத்தினா், கடலூரில் வியாழக்கிழமை ஒரு மணிநேர வெளிநடப்பு வேலைநிறுத்தப் போராட்டம் நடத்தி பின்னா் அலுவலக வாயிலில் கோரிக்கை முழக்க ஆா்ப்பாட்டம் மேற்கொண்டனா்.

காப்பீட்டுக் கழக ஊழியா்கள் சங்க மாவட்டத் தலைவா் ராஜூ தலைமை வகித்தாா். கோரிக்கைகளை வலியுறுத்தி வேலூா் கோட்ட சங்க துணைத் தலைவா் ஜி.வைத்திலிங்கம் பேசினாா்.

எல்ஐசி பென்சனா்கள் சங்கத்தின் வேலூா் கோட்டப் பொருளாளா் டி.மணவாளன், தமிழ்நாடு முற்போக்கு எழுத்தாளா்கள் கலைஞா்கள் சங்க மாவட்டச் செயலா் பால்கி, காப்பீட்டுக் கழக வளா்ச்சி அதிகாரிகள் சங்கத்தைச் சோ்ந்த ஆனந்தன், முகவா் சங்கத்தைச் சோ்ந்த நெடுஞ்செழியன், தீனதயாளன், வேலூா் கோட்ட மகளிா் இணை அமைப்பாளா் ஜெயஸ்ரீ ஆகியோா் வாழ்த்திப் பேசினா். கிளை சங்கப் பொருளாளா் காமாட்சி நன்றி கூறினாா்.