காயத்தால் விலகிய மார்ஷுக்கு பதிலாக பிக்-பாஸ் நாயகன்! ரிக்கி பாண்டிங் பரிந்துரை!
Admin
- 2 hours ago
காயத்தால் விலகிய மார்ஷுக்கு பதிலாக பிக்-பாஸ் நாயகனான இளம்வீரரை ஆஸ்திரேலிய முன்னாள் கேப்டன் ரிக்கி பாண்டிங் பரிந்துரைத்துள்ளார்.
சாம்பியன்ஸ் டிராபி தொடரில் இருந்து விலகிய ஆஸ்திரேலிய அணியின் ஆல்ரவுண்டர் மிட்செல் மார்ஷுக்குப் பதிலாக இளம் வீரர் ஒருவரை ஆஸ்திரேலிய அணிக்கு 3 உலகக் கோப்பைகளை வென்று தந்த முன்னாள் கேப்டன் ரிக்கி பாண்டிங் பரிந்துரைந்துள்ளார்.
இந்தியா, ஆஸ்திரேலியா உள்பட 8 அணிகள் பங்கேற்கும் சாம்பியன்ஸ் டிராபி தொடர் வருகிற 19 ஆம் தேதி பாகிஸ்தானில் தொடங்குகிறது. இந்தியாவுக்கானப் போட்டிகள் மட்டும் ஐக்கிய அரபு அமீரகத்தின் துபையில் நடைபெறவுள்ளன.
இந்த நிலையில் ஆஸ்திரேலிய அணியின் கேப்டன் கம்மின்ஸின் காயம், மற்றொரு முன்னணி வேகப்பந்து வீச்சாளர் ஜோஸ் ஹேசில்வுட் காயம் ஆகியவை அணிக்கு பின்னடைவு ஏற்பட்டுள்ளதாக பயிற்சியாளர் மெக்டொனால்ட் தெரிவித்துள்ளார்.
முதுகு வலி காரணமாக போட்டியில் இருந்து விலகிய மார்ஷுக்குப் பதிலாக பிப்ரவரி 12 ஆம் தேதிக்குள் மாற்று வீரர் ஒருவரை இறுதி செய்து 15 பேர் கொண்ட இறுதி அணியை ஐசிசிக்கு சமர்ப்பிக்க வேண்டும் என்று தெரிவிக்கப்பட்டுள்ளது.
இதையும் படியுங்கள்...நடுரோட்டில் ஆட்டோ ஓட்டுநருடன் ராகுல் டிராவிட் வாக்குவாதம்!
சாம்பியன்ஸ் டிராபி அணியில் மார்ஷை சேர்த்த ஆஸ்திரேலியா, இன்னும் ஒரு மாற்று வீரருக்கான பெயரை குறிப்பிடவில்லை. ஆனால், ரிக்கி பாண்டிங் புதிய ஆல்ரவுண்டரான மிட்செல் ஓவனை மார்ஷுக்குப் பதிலாக சேர்க்க பரிந்துரைத்துள்ளார்.
சமீபத்தில் நடந்த டி20 பிக் பாஷ் போட்டியில் 39 பந்துகளில் அதிரடியாக சதம் விளாசிய மிட்செல் ஓவன் 452 ரன்களுடன் அதிக ரன்கள் விளாசியவர்கள் பட்டியலில் முதலிடத்தையும் பிடித்தார். மேலும், இவர் இந்தத் தொடரில் இரண்டு சதங்கள் விளாசியிருந்தார். அதுமட்டுமின்றி மூன்று விக்கெட்டுகளையும் வீழ்த்தினார். இதன்மூலம் எஸ்ஏ20 லீக்கில் பார்ல் ராயல்ஸுடன் ஒப்பந்தத்தையும் பெற்றுள்ளார்.
இதுகுறித்து ரிக்கி பாண்டிங் கூறுகையில், “மிட்செல் ஓவன் அதிரடி பேட்டர் மட்டுமின்றி ஆல்ரவுண்டரும்கூட. மிட்செல் மார்ஷுக்கு மாற்றாக அவர் மிகவும் பொருத்தமானவராக இருப்பார்” எனத் தெரிவித்தார்.
மிட்செல் மார்ஷுக்குப் பதிலாக மாற்றுவீரர்களாக ஆரோன் ஹார்டி மற்றும் மார்கஸ் ஸ்டாய்னிஸ் ஆகியோர் உள்ளனர். இருவர்கள் இருவரும் காயத்தில் இருந்து மீண்டு வந்துகொண்டிருக்கின்றனர். ஒருவேளை இவர்கள் அணிக்குத் திரும்ப முடியாத பட்சத்தில் மிட்செல் ஓவனுக்கு ஒருநாள் அணியில் இடம் கிடைக்கும் என்று எதிர்பார்க்கப்படுகிறது.
