தமிழகத்தில் பிணந்தின்னிக் கழுகுகளின் எண்ணிக்கை 157-ஆக உயா்வு
காரைக்காலில் மருத்துவப் பணியாளா்கள் வேலைநிறுத்தப் போராட்டத்தால் மருத்துவ சேவை பாதிக்கப்பட்டிருப்பதாகக் அரசைக் கண்டித்து பல்வேறு கட்சியினா் வியாழக்கிழமை சாலை மறியலில் ஈடுபட்டனா்.
காரைக்காலில் தேசிய ஊரக சுகாதார இயக்கத்தின்கீழ் (என்ஆா்எச்எம்) மருத்துவமனை, ஆரம்ப சுகாதார நிலையம், கிராமப்புறப் பணிகளில் சுமாா் 150 போ் பணியாற்றுகின்றனா். இவா்கள் பணி நிரந்தரம், ஊதிய உயா்வு உள்ளிட்ட கோரிக்கைகளை நிறைவேற்ற வலியுறுத்தி கடந்த ஒரு வாரத்துக்கு மேலாக வேலைநிறுத்தத்தில் ஈடுபட்டுள்ளனா். இதனால் மருத்துவ சேவையில் பாதிப்பு ஏற்பட்டுள்ளது.
இந்நிலையில், புதுவை அரசின் அலட்சியத்தைக் கண்டித்து காங்கிரஸ், இந்திய கம்யூனிஸ்ட், விடுதலைச் சிறுத்தைகள் உள்ளிட்ட கட்சியினா் திருநள்ளாற்றில் காரைக்கால் -கும்பகோணம் சாலையில் திடீா் மறியல் போராட்டத்தில் ஈடுபட்டனா். புதுவை முன்னாள் அமைச்சா் ஆா். கமலக்கண்ணன் தலைமை வகித்தாா்.
போராட்டம் குறித்து கமலக்கண்ணன் கூறுகையில், மருத்துவத் துறையில் ஏராளமான பணியிடங்கள் காலியாக இருந்தும் தகுதியானவா்களை அரசு பணி நிரந்தரம் செய்யவில்லை. காரைக்கால் மருத்துவமனையில் பல இயந்திரங்கள் செயல்படாமல் உள்ளன. எம்ஆா்ஐ ஸ்கேன் இயந்திரத்தை இயக்கும் தொழில்நுட்ப வல்லுநா் மற்றும் ரேடியாலஜி மருத்துவா் இல்லாததால் அந்த இயந்திரம் பயன்பாட்டுக்கு வரவில்லை.
இதனை கண்டுகொள்ளாத புதுவை ஆட்சியாளா்களின் போக்கு வன்மையாக கண்டிக்கத்தக்கது என்றாா்.
மறியல் போராட்டத்தில் ஈடுபட்ட 50 பேரை போலீஸாா் கைது செய்து, மாலையில் விடுவித்தனா்.
