சிவகங்கை மாவட்டம், காரைக்குடியில் தனியாக இருந்த முதியவரிடம் நூதன முறையில் ரூ.46 லட்சம் மோசடி செய்த மா்ம நபா்களை போலீஸாா் தேடி வருகின்றனா்.
காரைக்குடி செக்காலைப் பகுதியில் மத்திய அரசுப் பணியிலிருந்து ஓய்வு பெற்ற 81 வயது முதியவா் தனியாக வசித்து வருகிறாா். இவரது மகன்கள் வேறு ஊா்களில் உள்ளனா்.
இந்த நிலையில், கடந்த நவம்பா் மாதம் முதியவரின் கைப்பேசிக்கு தொடா்பு கொண்டு பேசிய மா்ம நபா் அவரது ஆதாா் அட்டையைப் பயன்படுத்தி, கறுப்பு பண பரிவா்த்தனை செய்ததாக சிபிஐக்கு புகாா் வந்துள்ளது என்றும், அது தொடா்பாக விசாரிக்க சிபிஐ அதிகாரி ஒருவா் வீடியோ அழைப்பில் பேசுவாா் என்றும் கூறினாா்.
மறுநாள், வீடியோ அழைப்பில் பேசிய நபா், தான் சிபிஐ அதிகாரி என்றும், முதியவா் மீது வழக்குப் பதிவு செய்யப்பட்டுள்ளது என்றும் கூறினாா். மேலும், முதியவா் எண்ம முறையில் கைது செய்யப்பட்டிருப்பதாகவும், எனவே அவா் வீட்டை விட்டு எங்கும் வெளி செல்லக்கூடாது என்றும் கூறினாராம்.
பின்னா், முதியவரை மீண்டும் தொடா்பு கொண்ட மா்ம நபா், அவரது வங்கிக் கணக்கில் உள்ள பணத்தை பறிமுதல் செய்யும்படி நீதிமன்ற உத்தரவு உள்ளதாகக் கூறி, உத்தரவு நகல் ஒன்றைக் காண்பித்தாா்.
இதை நம்பிய அந்த முதியவா் தனது வங்கிக் கணக்குகளிலிருந்து 7 தவணைகளில் ரூ. 46 லட்சத்து 7,741-ஐ அவா்கள் கூறிய வங்கிக்கு அனுப்பி உள்ளாா். மீண்டும் அவரைத் தொடா்பு கொண்ட கும்பல் வேறு பணம் உள்ளதா எனக் கேட்டனா். இது குறித்து அந்த முதியவா் தனது மகனிடம் தெரிவித்தாா். உடனே மகன் கூறியபடி, காரைக்குடி காவல் நிலையத்தில் முதியவா் புகாா் அளித்தாா். இதையடுத்து, மாவட்ட போலீஸ் சூப்பிரண்டு டோங்கரே பிரவீன் உமேஷ் உத்தரவின் பேரில், இணையக் குற்ற தடுப்புப் பிரிவு காவல் ஆய்வாளா் சந்திரமோகன் வழக்குப் பதிவு செய்து விசாரணை நடத்தி வருகிறாா்.
