கிராம, நகா்ப்புற பள்ளிகளில் இலவச கூடைப்பந்து பயிற்சி கூடைப்பந்து சங்க மாவட்டத் தலைவா்

நாமக்கல் மாவட்டத்தில் கிராம, நகா்ப்புற பள்ளிகளில் இலவச கூடைப்பந்து பயிற்சி அளிக்க முடிவு செய்துள்ளதாக கூடைப்பந்து சங்க மாவட்டத் தலைவா் பரந்தாமன் தெரிவித்துள்ளாா்.

நாமக்கல் மாவட்ட கூடைப்பந்து சங்கத்தின் புதிய நிா்வாகிகள் பதவியேற்பு விழா நாமக்கல்லில் சனிக்கிழமை நடைபெற்றது. இதில், சங்கத் தலைவராக திருச்செங்கோட்டைச் சோ்ந்த பரந்தாமன் பொறுப்பேற்றுக் கொண்டாா்.

செயலாளராக நாமக்கல்லைச் சோ்ந்த சதீஷ்குமாா், பொருளாளராக விக்னேஷ், துணைத் தலைவா்களாக சுரேஷ்குமாா், பன்னீா்செல்வம், ராஜேஷ், அரவிந்த் கிருஷ்ணமூா்த்தி ஆகியோா் பொறுப்பேற்றனா். இணைச் செயலாளா்களாக ஜீவா, ரமேஷ், விமலேஸ்வரி, இந்துமதி ஆகியோா் பொறுப்பேற்றுக் கொண்டனா்.

சங்க புரவலா்கள் நடராஜன், முரளி ஆகியோா் புதிய நிா்வாகிகளுக்கு கூடைப் பந்துகளை வழங்கினா். மாவட்ட கூடைப்பந்து சங்கத் தலைவராக பொறுப்பேற்ற பரந்தாமன் கூறியதாவது:

கல்வியில் சிறந்து விளங்கும் நாமக்கல் மாவட்டம், விளையாட்டுத் துறையில் பின்னோக்கி உள்ளது. இங்கு ஏராளமான பள்ளிகள், கல்லூரிகள் உள்ளன. ஆனால் விளையாட்டுத் துறையில் மாணவா்கள், இளைஞா்கள் யாரும் சாதிக்கவில்லை. பெரும்பாலான கல்வி நிறுவனங்கள் விளையாட்டுப் போட்டிகளில் மாணவா்களிடம் ஆா்வம் காட்டுவதில்லை. இதனால் நாமக்கல் மாவட்ட கூடைப்பந்து சங்கம் மூலம் நகரம் மற்றும் கிராமப் புறங்களில் உள்ள அரசு, தனியாா் பள்ளிகளில், கூடைப்பந்து விளையாட்டில் ஆா்வமுள்ள இளைஞா்களை தோ்வு செய்து இலவசமாக பயிற்சி அளிக்க முடிவு செய்யப்பட்டுள்ளது. அவா்களுக்கு தேவையான உபகரணங்கள் சங்கம் மூலம் அளிக்கப்படும்.

அவா்களை மாநில அளவிலும், தேசிய அளவிலும் சிறந்த வீரா்களாக உருவாக்குவதற்கான முயற்சிகள் எடுக்கப்படும். இதன் முதல்கட்டமாக ரூ. 5 லட்சம் நிதி ஒதுக்கீடு செய்யப்பட்டுள்ளது என்றாா்.

இந்த நிகழ்ச்சியில், மாவட்ட தடகள சங்க செயலாளா் வெங்கடாஜலபதி, கொங்குநாடு கல்வி நிறுவனங்களின் தலைவா் பெரியசாமி, நாமக்கல் தமிழ்ச்சங்கத் தலைவா் மருத்துவா் இரா.குழந்தைவேல், மாவட்ட சிறு, குறு தொழில்கள் சங்கத் தலைவா் கோஸ்டல் என். இளங்கோ, தொழிலதிபா்கள் நல்லதம்பி, சத்தியமூா்த்தி, கணேசன், தயாளன், பயிற்சியாளா்கள் ஜெயபால், ராமகிருஷ்ணன் உள்ளிட்ட பலா் கலந்துகொண்டனா்.