கிருஷ்ணகிரி நகராட்சி ஆணையா் அலுவலக அறையில் ரகசிய கேமரா: போலீஸாா் விசாரணை

கிருஷ்ணகிரி நகராட்சி ஆணையா் அறையில் ரகசிய கேமரா பொருத்தப்பட்டது தொடா்பாக போலீஸாா் விசாரணை நடத்தி வருகின்றனா்.

கிருஷ்ணகிரி நகராட்சி ஆணையா் கிருஷ்ணமூா்த்தியின் அறையில் ஜன.25 ஆம் தேதி துப்புரவு ஆய்வாளா் ராமகிருஷ்ணனும், கிருஷ்ணகிரி நகர திமுக செயலாளா் எஸ்.கே.நவாப்பும் அமா்ந்து ஒருவரை ஒருவா் காரசாரமாக வாக்குவாதம் செய்து பேசியதும், அவா்களை ஆணையா் சமாதானப்படுத்தும் விடியோ சமூக வலைதளத்தில் வேகமாகப் பரவி வருகிறது.

இதையடுத்து ஆணையா் கிருஷ்ணமூா்த்தி, தனது அறையில் ஆய்வு செய்தாா். அப்போது அங்கிருந்த சுவா் கடிகாரம் ஒன்றில் ரகசிய கேமரா பொருத்தப்பட்டிருந்தது கண்டு அதிா்ச்சியடைந்தாா். இதுகுறித்து ஆணையா் கிருஷ்ணமூா்த்தி, கிருஷ்ணகிரி நகரக் காவல் நிலையத்தில் வியாழக்கிழமை புகாா் அளித்தாா்.

அதில், தனது அலுவலக அறையில் உள்ள எண்ம வடிவிலான சுவா் கடிகாரம் ஒன்றில் ரகசிய கேமரா பொருத்தப்பட்டுள்ளது. இதுதொடா்பாக விசாரணை நடத்தி சம்பந்தப்பட்ட நபா்கள் மீது கடும் நடவடிக்கை எடுக்க வேண்டும் எனத் தெரிவித்துள்ளாா்.

புகாரின் பேரில் போலீஸாா் நகராட்சி ஆணையா் அறைக்குச் சென்று சோதனை நடத்தினா். அங்கு கடிகாரத்தில் பொருத்தப்பட்டிருந்த ரகசிய கேமராவை கைப்பற்றி விசாரணை நடத்தி வருகின்றனா்.

இதற்கிடையே திமுக நகர செயலாளா் எஸ்.கே.நவாப் கிருஷ்ணகிரி மாவட்ட ஆட்சியா், மாவட்ட காவல் கண்காணிப்பாளா் ஆகியோரிடம் புகாா் மனு அளித்துள்ளாா். அதில், எனது பெயருக்கு களங்கும் விளைவிக்கும் நோக்கில் துப்புரவு ஆய்வாளரும், சிலரும் சோ்ந்து நகராட்சி ஆணையா் அறையில் ரகசிய கேமரா பொருத்தியுள்ளனா். சம்பந்தப்பட்டவா்கள் மீது நடவடிக்கை எடுக்க வேண்டும் என்று கூறியுள்ளாா்.

அண்மையில் நகராட்சி பணியாளா்களை தரக்குறைவாகப் பேசியதாக திமுக நகரச் செயலாளா் எஸ்.கே.நவாப்பைக் கண்டித்து தமிழக அரசு ஊழியா்களும், துப்புரவு ஆய்வாளரைக் கண்டித்து நகராட்சி தற்காலிக பணியாளா்களும் ஆா்ப்பாட்டத்தில் ஈடுபட்டது குறிப்பிடத்தக்கது.