ஹமாஸ் பாதுகாப்புப் பிரிவு தலைவர் படுகொலை: இஸ்ரேல் அறிவிப்பு!
கீழ்ப்பாக்கம் விளையாட்டு அரங்கத்தை சீரமைத்து பயன்பாட்டுக்கு கொண்டுவர தமிழக அரசு நடவடிக்கை எடுக்க வேண்டும் என்று அமமுக பொதுச் செயலா் டிடிவி தினகரன் வலியுறுத்தியுள்ளாா்.
இது தொடா்பாக அவா் திங்கள்கிழமை வெளியிட்ட அறிக்கை: சென்னை அண்ணா நகா் மண்டலம் கீழ்ப்பாக்கம் பகுதியில், மறைந்த முன்னாள் முதல்வா் ஜெயலலிதாவின் பெயரில் கட்டப்பட்ட விளையாட்டு அரங்கம் முறையான பராமரிப்பின்றி பாழடைந்த நிலையில், விளையாட்டு வீரா்களுக்குப் பயன்பாடின்றி பூட்டியே கிடக்கிறது.
சென்னையில் விளையாட்டுப் போட்டிகள் நடத்துவதற்கு மைதானங்கள் பற்றாக்குறை நிலவும் நிலையில், உள் மற்றும் திறந்தவெளி விளையாட்டு அரங்கம், வீரா்கள் தங்குமிடம், பாா்வையாளா்கள் மாடம் என அனைத்து வசதிகளும் கொண்ட இந்த மைதானத்தைச் சீரமைக்க எந்தவித நடவடிக்கையும் எடுக்காமல் பூட்டியே வைத்திருப்பது கண்டிக்கத்தக்கது.
எனவே, சென்னை கீழ்ப்பாக்கம் விளையாட்டு அரங்கத்தைச் சீரமைத்து, வீரா்களின் பயன்பாட்டுக்கு கொண்டுவர வேண்டும் எனத் தெரிவித்துள்ளாா்.
