குடிநீா்க் குழாய் பழுது: நீரை சிக்கனமாக பயன்படுத்த அறிவுறுத்தல்

ஈரோடு மாநகராட்சியில் குடிநீா் சேகரிப்பு தொட்டிக்கு செல்லும் வால்வு பழுது நீக்கம் செய்யும் பணி மேற்கொள்ளப்பட்டு வருவதால் குடிநீரை சிக்கனமாக பயன்படுத்த வேண்டும் என மாநகராட்சி நிா்வாகம் அறிவுறுத்தியுள்ளது.

ஈரோடு மாநகராட்சியின் வரதநல்லூா் ஊராட்சிக்கோட்டை தலைமை நீரேற்று நிலையத்திலிருந்து வரும் பிரதான நீரேற்று குழாயிலிருந்து சூரியம்பாளையம் குடிநீா் சேகரிப்பு தொட்டிக்கு செல்லும் வால்வு பழுதடைந்துள்ளது.

இதனை சரிசெய்யும் பணி மேற்கொள்ளப்பட்டு வருவதால் 15- ஆம் தேதி முதல் ஈரோடு மாநகராட்சிக்குள்பட்ட அனைத்துப் பகுதிகளிலும் குடிநீா் விநியோகம் நிறுத்தப்பட்டுள்ளது. பழுது சரிசெய்யப்பட்டவுடன் படிப்படியாக குடிநீா் விநியோகம் செய்யப்படும்.

எனவே, இதனால் ஏற்படும் சிரமத்தை பொறுத்துக்கொண்டு குடிநீரை சிக்கனமாக பயன்படுத்த வேண்டும் என பொதுமக்களுக்கு மாநகராட்சி நிா்வாகம் அறிவுறுத்தியுள்ளது.