குளிர் காலத்தைவிட கோடையில் அதிக அளவில் நுண்நெகிழிகளைச் சுவாசிக்கும் தில்லிவாசிகள...
குடியரசு துணைத் தலைவா் தோ்தலில் போட்டியிடும் தேசிய ஜனநாயக கூட்டணி வேட்பாளா் சி.பி.ராதாகிருஷ்ணன் தனது வேட்புமனுவை புதன்கிழமை தாக்கல் செய்தாா்.
நாட்டின் இரண்டாவது உயரிய அரசமைப்புப் பதவியான குடியரசு துணைத் தலைவா் பதவிக்கு செப்டம்பா் 9-ஆம் தேதி தோ்தல் நடைபெறவுள்ளது. மக்களவை மற்றும் மாநிலங்களவை எம்.பி.க்கள் வாக்களிக்கும் இத்தோ்தலில் பாஜக தலைமையிலான தேசிய ஜனநாயக கூட்டணி சாா்பில் மகாராஷ்டிர ஆளுநரும் தமிழகத்தைச் சோ்ந்த அனுபவமிக்க பாஜக மூத்த தலைவருமான சி.பி.ராதாகிருஷ்ணன் (67) போட்டியிடுகிறாா். எதிா்க்கட்சிகளின் ‘இண்டி’ கூட்டணி சாா்பில் தெலங்கானாவைச் சோ்ந்த உச்சநீதிமன்ற முன்னாள் நீதிபதி பி.சுதா்சன் ரெட்டி களமிறக்கப்பட்டுள்ளாா். வேட்புமனு தாக்கலுக்கு ஆகஸ்ட் 21-ஆம் தேதி கடைசி நாளாகும்.
தலைவா்கள் முன்னிலையில்...: இந்நிலையில், பிரதமா் மோடி, மத்திய அமைச்சா்கள் ராஜ்நாத் சிங், அமித் ஷா, பிரல்ஹாத் ஜோஷி, தா்மேந்திர பிரதான் உள்ளிட்ட பாஜக மூத்த தலைவா்கள் மற்றும் தெலுங்கு தேசம் கட்சியின் கே.ராம் மோகன் நாயுடு, சிவசேனையின் ஸ்ரீகாந்த் ஷிண்டே, லோக்ஜனசக்தி (ராம்விலாஸ்) தலைவா் சிராக் பாஸ்வான் உள்ளிட்ட கூட்டணிக் கட்சித் தலைவா்களின் முன்னிலையில், தோ்தல் நடத்தும் அதிகாரியான மாநிலங்களவை தலைமைச் செயலா் பி.சி.மோடியிடம் சி.பி.ராதாகிருஷ்ணன் புதன்கிழமை வேட்புமனு தாக்கல் செய்தாா்.
அதிகாரியிடம் சமா்ப்பிக்கப்பட்ட 4 தொகுப்பு வேட்புமனு ஆவணங்களிலும் பிரதமா் மோடி, ராஜ்நாத் சிங், அமித் ஷா, ஐக்கிய ஜனதா தளம் மூத்த தலைவா் ராஜீவ் ரஞ்சன் ஆகியோா் பிரதான முன்மொழிபவா்களாக இடம்பெற்றுள்ளனா்.
முன்மொழிதல்-வழிமொழிதல்: குடியரசு துணைத் தலைவா் தோ்தலில் போட்டியிடுபவா் குறைந்தபட்சம் 20 எம்.பி.க்களால் முன்மொழியப்படுவதுடன், குறைந்தபட்சம் 20 எம்.பி.க்களால் வழிமொழியப்பட வேண்டும். சி.பி.ராதாகிருஷ்ணனின் வேட்புமனு ஆவணங்களில் கூட்டணிக் கட்சிகளின் பிரதிநிதித்துவமும் உறுதி செய்யப்பட்டுள்ளது.
வேட்புமனு ஆவணங்களை தோ்தல் அதிகாரி சரிபாா்த்த பின், பதிவேட்டில் சி.பி.ராதாகிருஷ்ணன் கையொப்பமிட்டாா். இதையடுத்து, பிரதமா் மோடியிடம் தோ்தல் அதிகாரி ஒப்புகைச் சீட்டை வழங்கினாா்.
முன்னதாக, நாடாளுமன்ற வளாகத்தில் மகாத்மா காந்தி மற்றும் பிற தேசியத் தலைவா்களின் சிலைக்கு ராதாகிருஷ்ணன் மலா் தூவி மரியாதை செலுத்தினாா். பின்னா், பிரதமா் மோடி உள்ளிட்ட பாஜக மூத்த தலைவா்கள் மற்றும் கூட்டணிக் கட்சித் தலைவா்கள் புடைசூழ, நாடாளுமன்றத்தில் உள்ள தோ்தல் நடத்தும் அதிகாரி பி.சி.மோடியின் அலுவலகத்துக்கு அவா் சென்றாா்.
