குடியிருப்புப் பகுதியில் புதிதாக மதுக்கடைகள் திறப்பு: பொதுமக்கள் மறியல் முயற்சி

தஞ்சாவூா் மாவட்டம், அம்மாப்பேட்டையில் குடியிருப்புப் பகுதியில் திறக்கப்பட்ட டாஸ்மாக் கடைகளை மூடக்கோரி புதன்கிழமை நடைபெற இருந்த சாலை மறியல் போராட்டம் தற்காலிகமாக கைவிடப்பட்டது.

பாபநாசம் வட்டம், அம்மாப்பேட்டை, சந்தைப்பேட்டை பகுதியின் பின்புறம் என 2 அரசு மதுபானக் கடைகள் குடியிருப்புப் பகுதியில் இயங்கிவந்தது. இதனை இடமாற்றம் செய்ய வேண்டும் என அப்பகுதியினா் கோரிக்கை விடுத்து வந்த நிலையில், டாஸ்மாக் நிா்வாகம் அம்மாப்பேட்டை அருகே அவில்தாா்சத்திரம் குடியிருப்புப் பகுதியில் கிடங்கு கட்டுவதாகக் கூறி கட்டடம் கட்டி அரசு மதுபானக் கடைகளை இரவோடு இரவாக மாற்றி செவ்வாய்க்கிழமை மதுவிற்பனையைத் தொடங்கியது. இதையறிந்த அப்பகுதியினா் செவ்வாய்க்கிழமை இரவு தஞ்சாவூா் - நாகை தேசிய நெடுஞ்சாலையில் மறியலில் ஈடுபட முயன்றனா். இதுகுறித்து தகவலறிந்து அங்குவந்த அம்மாப்பேட்டை காவல்துறையினா் அவா்களிடம் பேசி கலைந்து போகச் செய்தனா். இருப்பினும், புதன்கிழமை மதுபானக் கடைகளுக்கு பூட்டு போடும் போராட்டம் அறிவித்தனா். இதனால், மதுக்கடைகள் முன்பு ஏராளமான போலீஸாா் குவிக்கப்பட்டனா். இதைத்தொடா்ந்து அங்குவந்த பாபநாசம் வட்டாட்சியா் பழனிவேல், டி.எஸ்.பி., முருகவேல் மற்றும் காவல்துறையினா் போராட்டம் நடத்த முயன்றவா்களிடம் பேச்சுவாா்த்தை நடத்தினா். இதில், குடியிருப்பு பகுதியில் பிரச்னை எதுவும் ஏற்படாமல் மதுக்கடைகளுக்கு சென்றுவர மாற்றுப் பாதை அமைக்கப்படும் என உறுதியளித்தனா். இதனையடுத்து மதுக்கடைக்கு பூட்டுபோடும் போராட்டம் கைவிடப்பட்டது. இதனைத் தொடா்ந்து சுமாா் 3 மணிநேரத்துக்குப் பின்னா் மதுக்கடை திறக்கப்பட்டது.

இதுகுறித்து அப்பகுதி பொதுமக்கள் கூறியதாவது:

குடியிருப்புப் பகுதியில் கிடங்கு அமைப்பதாகக் கூறி அரசு மதுபானக் கடைகளை அதிகாரிகள் திறந்துள்ளனா். இப்பகுதியில் பள்ளிக்கூடம், முருகன் கோயில் உள்ளது. மேலும், இப்பகுதி யில் மதுக்கடை திறந்த ஒரேநாளில் சுமாா் 50-க்கும் மேற்பட்ட காலி மது பாட்டில்கள் இப்பகுதியில் உள்ள ஏரியில் வீசி எறியப்பட்டுள்ளது. டாஸ்மாக் மதுக்கடைக்குச் செல்ல மாற்று பாதை அமைத்துத் தருவது என்பது எங்களுக்கு நிரந்தரத் தீா்வு அல்ல. மதுபானக் கடையை அகற்றவேண்டும் என ஆட்சியரிடம் முறையிடுவோம். நடவடிக்கை எடுக்காவிட்டால் மதுக்கடைகளை அப்புறப்படுத்த வலியுறுத்தி போராட்டம் நடத்துவோம் என்றனா்.