குடும்பத் தகராறில் மனைவியை அடித்துக் கொலை செய்த கணவா்

ஒசூா் வட்டம், பாகலூா் அருகே குடும்பத் தகராறில் மனைவியை கட்டையால் அடித்துக் கொலை செய்த கணவரை போலீஸாா் தேடி வருகின்றனா் .

கிருஷ்ணகிரி மாவட்டம், ஒசூா் தாலுகா பாகலூா் அருகே உள்ள கீழ்சூடாபுரம் கிராமத்தைச் சோ்ந்தவா் ஆனந்தகுமாா் (40). பெயிண்டா். இவரது மனைவி கல்பனா (38). இவா்களுக்கு ஒரு மகன், மகள் உள்ளனா். ஆனந்த குமாருக்கும் அவரது மனைவிக்கும் இடையே குடும்பத் தகராறு இருந்து வந்தது. மேலும் மனைவியின் நடத்தையில் சந்தேகப்பட்டு தகராறு செய்து வந்துள்ளாா்.

இந்த நிலையில் மதுபோதையில் வீட்டுக்கு வந்த ஆனந்தகுமாா், மனைவி கல்பனாவுடன் தகராறு செய்தாா். அப்போது பிளாஸ்டிக் கவரை கல்பனாவின் தலையில் கட்டி அவரை கட்டையால் தாக்கியுள்ளாா். இதில் கல்பனா பலத்த காயமடைந்தாா். அவரது அலறல் சத்தம் கேட்டு மகன் சேத்தன் வீட்டிற்குள் வந்தபோது, ஆனந்தகுமாா் அங்கிருந்து தப்பி ஓடினாா்.

இது குறித்து அக்கம் பக்கத்தினருக்கு சேத்தன் தகவல் தெரிவித்தாா். பாகலூா் காவல் துறையினருக்கு தகவல் தெரிவிக்கப்பட்டது. போலீஸாா் அங்கு வருவதற்குள் கல்பனா உயிரிழந்தாா். அவரது உடலை போலீஸாா் மீட்டு பிரேதப் பரிசோதனைக்காக ஒசூா் அரசு மருத்துவமனைக்கு அனுப்பி வைத்தனா். இந்த கொலை சம்பவம் தொடா்பாக பாகலூா் போலீஸாா் வழக்குப் பதிவு செய்து ஆனந்த குமாரை தேடி வருகின்றனா்.