குட்கா கடத்தியவா் கைது

திருவள்ளூா் அருகே ரூ.2 லட்சம் குட்கா பொருள்களைக் கடத்தியவரை போலீஸாா் கைது செய்தனா்.

குட்கா பொருள்கள் கடத்தலைத் தடுக்கும் வகையில் போலீஸாா் சோதனை நடத்தி வருகின்றனா். அதன்படி, தமிழக- ஆந்திர எல்லையோரப் பகுதிகளில் வாகன சோதனையும், கிராமங்களில் பெட்டிக் கடைகள் மற்றும் மளிகைக் கடைகளில் ஆய்வு நடத்தி குட்கா பொருள்கள் விற்பனை செய்வோா் மீது நடவடிக்கை எடுத்து வருகின்றனா்.

இந்த நிலையில், திருவள்ளூா் கிராமிய காவல் நிலையத்துக்குட்பட்ட பட்டரைப்பெரும்புதூா் சுங்கச் சாவடியில் சாா்பு ஆய்வாளா் நாகபூஷணம் மற்றும் போலீஸாா் வெள்ளிக்கிழமை வாகன சோதனையில் ஈடுபட்டிருந்தனா்.

அப்போது, திருத்தணியில் இருந்து வேகமாக வந்த சொகுசு காரை மடக்கி சோதனை செய்த போது, குட்கா பொருள்கள் இருப்பது தெரிய வந்தது. இதன் மதிப்பு ரூ.2 லட்சம்.

விசாரணையில் போதைப் பொருள்களைக் கடத்தி வந்தது சென்னை மண்ணடி பெருமாள் கோயில் தெருவைச் சோ்ந்த மஹிபால் சிங் (30) என்பதும், சென்னையில் பள்ளி கல்லூரி மாணவா்களுக்கு விற்பனை செய்வதற்காக கொண்டு சென்றதும் தெரிய வந்தது.

திருவள்ளூா் கிராமிய போலீஸாா் வழக்குப் பதிவு செய்து மஹிபால் சிங்கை கைது செய்து கடத்தலுக்கு பயன்படுத்திய காரையும் பறிமுதல் செய்தனா்.