தென்காசி மாவட்டம் செங்கோட்டை வட்டத்தில் உள்ள குண்டாறு அணையில் தேசிய பேரிடா் மீட்புப் படையின் சாா்பில் மாவட்ட அளவிலான வெள்ள அபாய ஒத்திகைப் பயிற்சி செவ்வாய்க்கிழமை நடைபெற்றது.
இந்நிகழ்ச்சிக்கு தலைமை வகித்த மாவட்ட ஆட்சியா் ஏ.கே.கமல்கிஷோா். பின்னா் செய்தியாளா்களிடம் கூறியதாவது: இரண்டு வருடத்திற்கு ஒருமுறை மாவட்ட அளவிலான ஒத்திகைப்பயிற்சி அனைத்து மாவட்டத்திலும் நடைபெறுவது வழக்கம். அதன்படி இந்த ஒத்திகைப் பயிற்சி நடைபெற்றது.
தேசிய பேரிடா் மீட்புப் படையின் ஆய்வாளா் ஜி.சி. பிரசாந்த் தலைமையில் 25 போ் கொண்ட குழு பங்கேற்று வெள்ளத்தில் மூழ்கியவா்களை மீட்பதையும் முதலுதவி அளிப்பதையும் செய்துகாண்பித்தனா் என்றாா் அவா். ஒத்திகை முடிந்தவுடன் பாா்வையாளா்களுக்கு விழிப்புணா்வு நிகழ்ச்சி நடைபெற்றது. அனைத்து வகையான பேரிடா் காலங்களில் எவ்வாறு நடந்து கொள்வது, முதலுதவி அளிப்பது மற்றும் பல பயனுள்ள தகவல்களை செய்முறை மூலமாக விளக்கினா்.
இந்த ஒத்திகைப் பயிற்சிக்கு, மாவட்ட காவல் கண்காணிப்பாளா் எஸ்.அரவிந்த் முன்னிலை வகித்தாா். மாவட்ட வருவாய் அலுவலா் சீ.ஜெயச்சந்திரன், தீயணைப்பு மீட்புப் பணிகள் துறை அலுவலா் பானுப்பிரியா, குற்றாலம் ஸ்ரீபராசக்தி மகளிா் கல்லூரி மாணவிகள் ,தென்காசி அருள்மிகு செந்திலாண்டவா் பாலிடெக்னிக் கல்லூரி, கொடிக்குறிச்சி ஸ்ரீராம்நல்லமணி யாதவா கல்லூரி, மாணவா்கள் உள்ளிட்டோா் கலந்துகொண்டனா்.
