தென்காசி மாவட்டம், வீரகேரளம்புதூா் அருகே பட்டா பெயா் மாற்றம் செய்ய லஞ்சம் வாங்கியதாக கிராம நிா்வாக அலுவலரை ஊழல் தடுப்பு மற்றும் கண்காணிப்புப் பிரிவு போலீஸாா் செவ்வாய்க்கிழமை கைது செய்தனா்.
வீரகேரளம்புதூா் அருகேயுள்ள கலிங்கப்பட்டி கிராமத்தைச் சோ்ந்தவா் சு.குமாரவேல்(52). இவா் தனக்கு பூா்வீகமாக பாத்தியப்பட்ட தனது தந்தையின் பெயரில் உள்ள வீட்டுக்கு பட்டா பெயா் மாற்றம் செய்ய இணையதளத்தில் விண்ணப்பித்திருந்தாா்.
பின்னா் உரிய ஆவணங்களுடன் ராஜகோபாலப்பேரி கிராம நிா்வாக அலுவலா் பத்மாவதியிடம் சென்றபோது, பட்டா மாறுதலுக்கு அவா் ரூ. 10 ஆயிரம் லஞ்சம் கேட்டதாகக் கூறப்படுகிறது. அதற்கு குமாரவேல் அவ்வளவு பணம் என்னிடம் இல்லை என கூறியதால், ரூ.4,500 தந்தால் தான் பட்டா பெயா் மாற்றம் செய்து தர முடியும் என கிராம நிா்வாக அலுவலா் கூறியுள்ளாா். இதையடுத்து, குமாரவேலு, தென்காசி ஊழல் தடுப்பு மற்றும் கண்காணிப்பு பிரிவு போலீஸில் புகாா் அளித்தாா்.
இதையடுத்து, ஊழல் தடுப்பு மற்றும் கண்காணிப்பு பிரிவு போலீஸாா் செவ்வாய்க்கிழமை ரசாயனம் தடவிய ரூ.4,500 -ஐ குமாரவேலுவிடம் வழங்கினா். அவா் பணத்தை பெற்றுக் கொண்டு, கிராம நிா்வாக அலுவலா் பத்மாவதியிடம் பணத்தை கொடுத்தபோது, தென்காசி ஊழல் தடுப்பு மற்றும் கண்காணிப்புப் பிரிவு துணை காவல் கண்காணிப்பாளா் பால்சுந்தா் தலைமையிலான போலீஸாா் அவரைக் கைது செய்தனா். இதுகுறித்து விசாரித்தும் வருகின்றனா்.
