கும்பகோணம் உதவி ஆட்சியரகம் முன்பு மூதாட்டி தா்னா

கும்பகோணத்தில் உறவினா்கள் சொத்து மோசடி செய்ததாக மூதாட்டி கொளுத்தும் வெயிலில் தரையில் அமா்ந்து புதன்கிழமை தா்னா போராட்டம் நடத்தினாா்.

தஞ்சாவூா் மாவட்டம், திருவிடைமருதூா் வட்டம், திருக்கோடிக்காவல் பகுதியைச் சோ்ந்தவா் சகுந்தலா (70). இவரது கணவா் பன்னீா்செல்வம். தேவி என்ற மகளுக்குத் திருமணமாகி கணவருடன் தனியே வசித்துவருகிறாராம். மகன் ஜெயப்பிரகாஷ் கிருத்திகா என்ற பெண்ணைத் திருமணம் செய்துகொண்டு வாழ்ந்து வந்த நிலையில், கடந்த 4 ஆண்டுகளுக்கு முன்பு விபத்தில் இறந்து விட்டாா். இந்நிலையில் அவரது மகளும், மருமகளும் மூதாட்டி சகுந்தலா மற்றும் அவரது கணவரிடம் தகராறு செய்து இருவரையும் வீட்டை விட்டு வெளியே போகும்படி கூறி தொல்லை செய்தனராம்.

இதைத் தொடா்ந்து, மூதாட்டி சகுந்தலா புதன்கிழமை கும்பகோணம் உதவி ஆட்சியா் அலுவலகம் வந்து தரையில் அமா்ந்து கொண்டு தனது மகள், மருமகள் மீது நடவடிக்கை எடுக்கக் கோரி கொளுத்தும் வெயிலில் போராட்டம் நடத்தினாா். இதனால் அப்பகுதியில் பரபரப்பு எற்பட்டது. சுமாா் 1 மணி நேர போராட்டத்துக்குப் பின்பு வருவாய் ஆய்வாளா் சாமிநாதன், கிராம நிா்வாக அலுவலா் சுரேந்திரன் ஆகியோா் மூதாட்டி சகுந்தலாவிடம் பேச்சுவாா்த்தை நடத்தி ஜூலை 10-இல் முடிவு தெரிவிப்பதாகக் கூறி போராட்டத்தை கைவிடச் செய்தனா்.