கும்பக்கரை அருவியில் நீா் வரத்து குறைந்தது: சுற்றுலா பயணிகள் செல்லத் தடை!

பெரியகுளம் அருகே கும்பக்கரை அருவியில் நீா்வரத்து குறைந்ததால் சுற்றுலாப் பயணிகள் அங்கு செல்ல வனத் துறையினா் தடை விதித்தனா்.

கும்பக்கரை அருவிக்கு தமிழகத்தின் பல்வேறு பகுதிகளிலிருந்தும், கேரளம், ஆந்திர மாநிலங்களைச் சோ்ந்த சுற்றுலாப் பயணிகளும் வந்து செல்கின்றனா். இந்த நிலையில், கொடைக்கானல் மலைப் பகுதியில் போதிய மழை இல்லாததால் கும்பக்கரை அருவிக்கு நீா்வரத்து குறைந்து வருகிறது.

இதனால் சுற்றுலாப் பயணிகள் குளிக்க முடியாத நிலை உள்ளது. மேலும், அருவிப் பகுதியில் பராமரிப்பு பணிகள் நடைபெறவிருப்பதால், சுற்றுலாப் பயணிகள் கும்பக்கரை அருவிக்கு செல்ல சனிக்கிழமை வனத் துறையினா் தடை விதித்தனா்.