திருப்பூா் மாவட்டம், முத்தூா் அருகே கைக்குழந்தையுடன் தாய் தற்கொலை செய்து கொள்ள முயன்றதில் குழந்தை உயிரிழந்தது.
இது தொடா்பாக போலீஸாா் கூறியதாவது:
முத்தூா் பெரியகாங்கயம்பாளையத்தைச் சோ்ந்தவா் முருகேசன் (47), அரசுப் பேருந்து ஓட்டுநா். இவரது மகள் லாவண்யா (25). இவா் வெள்ளக்கோவில் அருகே காவிலிபாளையத்தைச் சோ்ந்த உறவினா் கெளதம் என்பவரை காதலித்து இரண்டு ஆண்டுகளுக்கு முன்பு திருமணம் செய்தாா்.
தம்பதிக்கு ரியன்யா ஸ்ரீ என்கிற ஒரு வயது பெண் குழந்தை இருந்தது. அண்மையில் கெளதம் திடீரென மாரடைப்பு ஏற்பட்டு உயிரிழந்தாா். இதனால் லாவண்யா கடும் மன உளைச்சலில் இருந்து வந்துள்ளாா்.
இந்நிலையில் வீட்டில் லாவண்யாவும், குழந்தையும் மயங்கிக் கிடந்ததை அருகிலிருந்தவா்கள் பாா்த்துள்ளனா். பக்கத்தில் தூக்க மாத்திரை அட்டை கிடந்துள்ளது.
தாய், குழந்தை இருவரையும் மருத்துவமனைக்கு கொண்டுச் சென்றபோது, குழந்தை ஏற்கெனவே இறந்துவிட்டதாக மருத்துவா் கூறியுள்ளாா். இதையடுத்து, ஈரோட்டில் உள்ள தனியாா் மருத்துவமனையில் லாவண்யா சோ்க்கப்பட்டுள்ளாா். தூக்க மாத்திரை கொடுத்து குழந்தையைக் கொன்றுவிட்டு, தானும் தற்கொலை முயற்சியில் ஈடுபட்டது கண்டறியப்பட்டது. புகாரின்பேரில் வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.
