கூட்டுறவு மேலாண் நிலையத்தில் நகை மதிப்பீட்டு பயிற்சி தொடக்கம்

தருமபுரி: தருமபுரி மாவட்டம், மொரப்பூரில் உள்ள கூட்டுறவு மேலாண் நிலையத்தில் நகை மதிப்பீட்டு பயிற்சி வகுப்புகள் தொடங்கின.

இதுகுறித்து தருமபுரி மண்டல கூட்டுறவு இணைப் பதிவாளாா் கு.த.சரவணன் வெளியிட்ட செய்திக் குறிப்பு:

தருமபுரி கூட்டுறவு மேலாண் நிலையத்தில் 2025-2026 ஆம் ஆண்டிற்கான நகை மதிப்பீடும் அதன் நுட்பங்களும் குறித்த பகுதிநேர பயிற்சி வகுப்பு நடைபெறவுள்ளது. இதற்கான மாணவா் சோ்க்கை மாா்ச் 24 ஆம் தேதி தொடங்கி ஏப்.13 ஆம் தேதி வரை நடைபெறும். இதில் சேர விரும்பும் விண்ணப்பங்கள் நேரடியாக வரவேற்கப்படுகின்றன. இந்தப் பயிற்சியில் பங்கேற்க விரும்புவோா் குறைந்தபட்சம் பத்தாம் வகுப்புத் தோ்ச்சி பெற்றிருக்க வேண்டும். இப் பயிற்சி வகுப்புகள் தமிழ் மொழியில் மட்டுமே நடைபெறும். பயிற்சி வகுப்புகள் ஏப். 15 ஆம் தேதி தொடங்கும்.

பயிற்சி கட்டணம் ரூ. 4,550 ஆகும். கல்லூரி மாணவா்கள், அரசு, தனியாா் நிறுவனங்களில் பணிபுரியும் ஊழியா்கள் இப்பயிற்சி வகுப்பில் சோ்ந்து பயிலும் வகையில் ஒவ்வொரு வாரமும் சனி மற்றும் ஞாயிற்றுக்கிழமைகளில் காலை 10 மணி முதல் மாலை 5 மணி வரை மொத்தம் 17 நாள்கள் நடைபெறும்.

பயிற்சி முடித்தவா்கள் அரசு வங்கி, கூட்டுறவு வங்கி, கூட்டுறவுச் சங்கங்கள், தனியாா் நிதி நிறுவனம், தனியாா் நகைக் கடைகளில் வேலையில் சேரலாம். சுயத்தொழில் தொடங்கவும் இப்பயிற்சி பயனுள்ளதாக இருக்கும்.

கூடுதல் விவரங்களை தருமபுரி கூட்டுறவு மேலாண் நிலைய முதல்வரை நேரடியாகவும். 04346 263529 என்ற தொலைபேசி எண். 98843 97075 என்ற கைப்பேசி எண் மூலமாகவும், ண்ஸ்ரீம்க்ல்ண்ஃஞ்ம்ஹண்ப்.ஸ்ரீா்ம் என்ற இணையதளம் மூலமாகவும் தொடா்பு கொள்ளலாம் என்றாா்.