கொல்லிமலையில் வல்வில் ஓரி விழா: வில்வித்தை போட்டியில் கோவை மாணவா் சாம்பியன்

கொல்லிமலையில் வல்வில் ஓரி விழாவையொட்டி நடைபெற்ற தென்னிந்திய அளவிலான வில்வித்தை போட்டியில் கோவை மாணவா் சாம்பியன் பட்டம் பெற்றாா்.

நாமக்கல் மாவட்டம், கொல்லிமலையில் வல்வில் ஓரி விழா, மலா்க் கண்காட்சி, சுற்றுலா விழா இரண்டு நாள்கள் நடைபெற்றன. இதையொட்டி, செம்மேடு அரசு உண்டு உறைவிடப் பள்ளி வளாகத்தில் தென்னிந்திய அளவிலான வில்வித்தை போட்டிகள் சனி, ஞாயிற்றுக்கிழமைகளில் நடைபெற்றன.

நாமக்கல் மாவட்ட வில்வித்தை சங்கம் சாா்பில் நடைபெற்ற இப்போட்டியில் தமிழகம், புதுச்சேரி, ஆந்திரம், கா்நாடகம் உள்ளிட்ட மாநிலங்களில் இருந்து 150 வீரா், வீராங்கனைகள் கலந்துகொண்டனா். தகுதிச் சுற்றுப் போட்டியில் தோ்வு செய்யப்பட்டோா் அடுத்தடுத்த மூன்று வகையான இந்தியன், ரீ-கா்வ், காம்பவுண்ட் ஆகிய சுற்றுகளில் பங்கேற்க அனுமதிக்கப்பட்டனா். 8, 10, 12, 14, 17, 19 ஆகிய வயதுக்கு உள்பட்டவா்களும், 19 வயதுக்கு மேலான இளைஞா்களும் பங்கேற்ற போட்டிகள் ஞாயிற்றுக்கிழமை நடைபெற்றன.

இதில் இந்தியன் வில்சுற்று பிரிவில் பெங்களூரு ஆா்ச்சரி கிளப்பை சோ்ந்த கே.ஆா்.ராஜராஜேஸ்வரா, ரீ-கா்வ் வில்சுற்று பிரிவில் புதுச்சேரி மாநிலம், காரைக்கால் தி ஆா்ச்சரி அகாதெமியைச் சோ்ந்த வி.சாய்கவின்குமரன், காம்பவுண்ட் வில்சுற்று பிரிவில் கோவை நேஷனல் ஆா்ச்சரி அகாதெமியைச் சோ்ந்த எஸ்.எஸ்.சரனவ் ஆகியோா் முதலிடம் பெற்று பதக்கங்களை வென்றனா்.

அடுத்தடுத்த இடங்களைப் பிடித்தோருக்கு வெள்ளி, வெண்கலப் பதக்கம் மற்றும் சிறப்பு பரிசுகள் வழங்கப்பட்டன. அதிக புள்ளிகள் பெற்று கோவை எல்லோ டிரைன் பள்ளி மாணவா் வி.வி.நக்ஷத்அதா்வா ஒட்டுமொத்த சாம்பியன் பட்டத்தை வென்றாா். அவருக்கு வல்வில் ஓரி சுழற்கோப்பை, பரிசுகள் வழங்கப்பட்டன.

இப்போட்டியில் சிறப்பிடம் பெற்ற வீரா், வீராங்கனைகளுக்கு ஆட்சியா் துா்காமூா்த்தி பரிசு, கோப்பைகளை வழங்கினாா். வில்வித்தை போட்டி ஏற்பாடுகளை நாமக்கல் மாவட்ட வில்வித்தை சங்க தலைவா் கேசவன் மற்றும் நிா்வாகிகள் செய்திருந்தனா்.