கொள்ளை முயற்சியில் ஈடுபட்ட கும்பல் கைது

நிலக்கோட்டை பகுதியில் நள்ளிரவில் ஆயுதங்களுடன் கொள்ளை முயற்சியில் ஈடுபட்ட கும்பலை போலீஸாா் செவ்வாய்க்கிழமை கைது செய்தனா்.

திண்டுக்கல் மாவட்டம், நிலக்கோட்டை இ.பி.குடியிருப்பு, நாகல்நகா் உள்ளிட்ட பல்வேறு பகுதிகளில் கடந்த சில நாள்களாக நள்ளிரவு நேரங்களில், மா்மக் கும்பல் ஆயுதங்களுடன் வீடு புகுந்து கொள்ளையடிக்க முயன்று வருவதா புகாா் தெரிவிக்கப்பட்டதையடுத்து, போலீஸாா் அந்தப் பகுதிகளில் ரோந்துப் பணியில் ஈடுபட்டனா்.

இதையடுத்து, அந்தப் பகுதியிலுள்ள கண்காணிப்பு கேமரா பதிவுகளை ஆய்வு செய்தததில், நாகல்நகா் பகுதியில் தனியாக வசிக்கும் ஓா் மூதாட்டி வீட்டில் மா்ம கும்பல் கொள்ளை முயற்சியில் ஈடுபட்டது தெரியவந்தது.

இதுகுறித்து நிலக்கோட்டை காவல் துறையினா் வழக்குப் பதிந்து, விசாரணை மேற்கொண்டனா்.

விசாரணையில், சோழவந்தான் அருகேயுள்ள முள்ளிப்பள்ளம் கிராமத்தைச் சோ்ந்த காா்த்திக்பாண்டி (27), திருப்பதி (19), இதேப் குதியிலுள்ள தென்கரையைச் சோ்ந்த அஜய்கண்ணன் (22) ஆகியோா் கொள்ளை முயற்சியில் ஈடுபட்டது தெரியவந்தது.

பின்னா், போலீஸாா் அவா்களைக் கைது செய்து, சிறையில் அடைத்தனா்.