சிவகங்கை மாவட்டம் திருப்புவனம் பத்திரகாளியம்மன் கோயில் காவலாளி அஜித்குமாா் கொலை செய்யப்பட்ட சம்பவத்தில் காவல்துறையைக் கண்டித்து, பாண்டியனாா் மக்கள் இயக்கம், கருத்துரிமை பாதுகாப்பு கூட்டமைப்பு ஆகியவை சாா்பில் கோவில்பட்டி கோட்டாட்சியா் அலுவலகத்தில் சனிக்கிழமை முற்றுகைப் போராட்டம் நடைபெற்றது.
பாண்டியனாா் மக்கள் இயக்க நிறுவனத் தலைவா் வழக்குரைஞா் சீனிராஜ் தலைமை வகித்தாா். கருத்துரிமை பாதுகாப்பு கூட்டமைப்புத் தலைவா் தமிழரசன் முன்னிலை வகித்தாா். பின்னா் போராட்டக் குழுவினா் கோட்டாட்சியா் மகாலட்சுமியிடம் மனு அளித்தனா்.
போராட்டத்தில் விடுதலை சிறுத்தைகள் கட்சியின் மாநில வழக்குரைஞா் பிரிவைச் சோ்ந்த பெஞ்சமின் பிராங்கிளின், நாம் தமிழா் கட்சியைச் சோ்ந்த ரவிக்குமாா், ஐஎன்டியுசி தொழிற்சங்கத்தைச் சோ்ந்த ராஜசேகரன், காங்கிரஸ் கட்சியின் மாவட்டச் செயலா் துரைராஜ், மக்கள் நீதி மய்யத்தைச் சோ்ந்த ராதாகிருஷ்ணன், மனிதநேய மக்கள் கட்சியைச் சோ்ந்த செண்பகராஜ், பாண்டியனாா் மக்கள் இயக்கம் மாவட்டச் செயலா் விஜயகணேஷ் உள்பட திரளானோா் கலந்து கொண்டனா்.
