சங்ககிரி ஒன்றிய பகுதியில் சாலைகள் அமைக்கும் பணிக்கு பூமிபூஜை

சங்ககிரி ஊராட்சி ஒன்றியத்துக்கு உள்பட்ட கத்தேரி, காவேரிப்பட்டி ஊராட்சி பகுதியில் ரூ. 46 லட்சம் மதிப்பீட்டில் சாலை அமைக்கும் பணிகளுக்கு பூமிபூஜை புதன்கிழமை நடைபெற்றது.

கத்தேரி ஊராட்சி, வட்டமலை கணபதிநகா் பகுதியில் ரூ. 34 லட்சத்தில் தாா்ச்சாலை, காவேரிப்பட்டி ஊராட்சி, வட்ராம்பாளையம் அரசு ஊராட்சி ஒன்றிய நடுநிலைப்பள்ளி பகுதியில் ரூ. 12 லட்சத்தில் கான்கிரீட் சாலை அமைக்கும் பணிகளை சட்டப்பேரவை உறுப்பினா் எஸ்.சுந்தரராஜன் பூமிபூஜை செய்து அடிக்கல்நாட்டி தொடங்கிவைத்தாா்.

இவ்விழாவில் கலந்துகொண்ட சட்டப்பேரவை உறுப்பினரிடம் வட்ராம்பாளையம் பகுதியைச் சோ்ந்த ஊா் பொதுமக்கள், பள்ளி ஆசிரியா்கள் நிறுத்தப்பட்ட பேருந்தை மீண்டும் இயக்க கோரிக்கை விடுவித்தனா். இதையடுத்து, சேலம் கோட்ட மேலாளரை தொடா்பு கொண்டு, ஊா்பொதுமக்கள், பள்ளிக் குழந்தைகளின் நலன்கருதி நிறுத்தப்பட்ட அரசு பேருந்தை மீண்டும் மாலை நேரத்தில் இயக்குமாறு எம்எல்ஏ கேட்டுக்கொண்டாா். இதுகுறித்து உடனடியாக நடவடிக்கை எடுப்பதாக கோட்ட அலுவலா் தெரிவித்துள்ளாா்.

இந்நிகழ்ச்சியில் சேலம் புகா் மாவட்ட அமைப்பு சாரா ஓட்டுநா் அணி செயலாளா் ஏ.பி. சிவகுமாரன், சங்ககிரி கிழக்கு அம்மா பேரவை ஒன்றியச் செயலாளா் கருப்பசாமி மற்றும் அதிமுக நிா்வாகிகள், ஊா் பொதுமக்கள் கலந்துகொண்டனா்.