சங்ககிரி வருவாய் கோட்ட அளவில் மாற்றுத்திறனாளிகளுக்கான சிறப்பு குறைதீா் முகாம், சங்ககிரி அரசு ஆண்கள் மேல்நிலைப் பள்ளி வளாகத்தில் செவ்வாய்க்கிழமை நடைபெற்றது.
கோட்டாட்சியா் ந.லோகநாயகி தலைமை வகித்தாா். முகாமில் பங்கேற்ற மாற்றுத்திறனாளிகள் 50 போ் உதவித்தொகை, அடையாள அட்டை உள்ளிட்ட பல்வேறு அடிப்படை வசதிகள் கோரி மனு கோட்டாட்சியரிடம் மனுக்கள் அளித்தனா். மனுக்கள் மீது உரிய நடவடிக்கை எடுக்குமாறு மாற்றுத்திறனாளிகளின் நல அலுவலா், வருவாய்த்துறை அலுவலா்களிடம் அவா் அறிவுறுத்தினாா்.
இதில் மாவட்ட மாற்றுத்திறனாளிகள் நல அலுவலா் மகிழன், எடப்பாடி சமூகநலத் துறை தனி வட்டாட்சியா் சி.ராஜமாணிக்கம், சங்ககிரி தோ்தல் பிரிவு துணை வட்டாட்சியா் மகேந்திரன், வருவாய் ஆய்வாளா்கள், கிராம் நிா்வாக அலுவலா்கள் கலந்துகொண்டனா்.
