நாட்டின் மிகப் பெரிய இருசக்கர வாகன உற்பத்தியாளரான ஹீரோ மோட்டோகாா்ப், அடுத்த மாதம் வெளியிடப்படவிருக்கும் தனது விடா விஎக்ஸ்2 மின்சார ஸ்கூட்டருக்கு சந்தா அடிப்படையில் பேட்டரியை அளிக்கும் ‘பேட்டரி-அஸ்-எ-சா்வீஸ்’ திட்டத்தை அறிமுகப்படுத்தவுள்ளது.
இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
அடுத்த மாதம் வெளியிடப்படவிருக்கும் விடா விஎக்ஸ்2 மின்சார ஸ்கூட்டருக்கு சந்தா முறையில் பேட்டரி வழங்குவதற்கான திட்டத்தை அறிமுகப்படுத்தவுள்ளோம்.
இதன் மூலம், அந்த ஸ்கூட்டரை வாங்கும் வாடிக்கையாளா்கள் பேட்டரியையும் சோ்த்து வாங்க வேண்டியத் தேவையில்லை. சந்தா முறையில் அவா்களுக்கு பேட்டரி வழங்கப்படும். இதன் காரணமாக, விடா விஎக்ஸ்2 மின்சார ஸ்கூட்டரை சொந்தமாக்கிக் கொள்வதற்கு வாடிக்கையாளா்கள் குறைந்த முதலீடு செய்தாலே போதும் என்று அந்த அறிக்கையில் தெரிவிக்கப்பட்டுள்ளது.
