சாம்பியன்ஸ் டிராபிக்கான இந்திய அணியில் ரிஷப் பந்த்தா? சஞ்சு சாம்சனா? ஹர்பஜன் சிங் பதில்!

சாம்பியன்ஸ் டிராபிக்கான இந்திய அணியில் விக்கெட் கீப்பராக யார் இடம்பெற வேண்டுமென்பது குறித்து இந்திய அணியின் முன்னாள் வீரர் ஹர்பஜன் சிங் பேசியுள்ளார்.

அடுத்த மாதம் சாம்பியன்ஸ் டிராபி தொடர் தொடங்கவுள்ள நிலையில், ஒவ்வொரு நாட்டின் கிரிக்கெட் வாரியமும் சாம்பியன்ஸ் டிராபிக்கான தங்களது அணிகளை அறிவித்து வருகின்றன. இந்திய அணியும் விரைவில் சாம்பியன்ஸ் டிராபி தொடருக்கான அணியை அறிவிக்கும் எனத் தெரிகிறது. இந்திய அணியில் எந்தெந்த வீரர்கள் இடம்பெறப் போகிறார்கள் என்ற எதிர்பார்ப்பு ரசிகர்கள் மத்தியில் எழுந்துள்ளது.

இதையும் படிக்க:ஐபிஎல் தொடரில் அறிமுகமாகும் ஐசிசி நடத்தை விதிமுறைகள்!

சாம்பியன்ஸ் டிராபிக்கான இந்திய அணியில் விக்கெட் கீப்பராக யார் இடம்பெற வேண்டும் என்பது கவனம் பெற்றுள்ளது. கடந்த 2022 ஆம் ஆண்டு ரிஷப் பந்த் கார் விபத்தில் சிக்கி கிரிக்கெட் விளையாட முடியாத சூழல் உருவானது. அந்த காலக் கட்டத்தில் இந்திய அணி விக்கெட் கீப்பர் இடத்துக்கு பல்வேறு வீரர்களை முயற்சி செய்தது. ஆனால், ரிஷப் பந்த் அளவுக்கு மற்ற வீரர்கள் பிசிசிஐ-ன் நம்பிக்கையைப் பெறவில்லை.

டி20 உலகக் கோப்பைத் தொடருக்குப் பிறகு ரோஹித் சர்மா ஓய்வை அறிவித்த நிலையில், சஞ்சு சாம்சனுக்கு அணியில் விளையாட வாய்ப்பு வழங்கப்பட்டது. விக்கெட் கீப்பரான சஞ்சு சாம்சன் நன்றாகவும் கீப்பிங் செய்தார். தொடக்க ஆட்டக்காரராகவும் அதிரடியாக விளையாடினார். வங்கதேசத்துக்கு எதிரான டி20 போட்டியில் அதிரடியாக சதம் விளாசி அனைவரது கவனத்தையும் ஈர்த்தார் சஞ்சு சாம்சன். அதுமட்டுமல்லாது, ஓராண்டில் சர்வதேச டி20 போட்டிகளில் 3 சதங்கள் விளாசிய முதல் பேட்ஸ்மேன் என்ற சாதனையையும் அவர் படைத்தார்.

இதையும் படிக்க: அயர்லாந்தை வீழ்த்தி ஒருநாள் தொடரை கைப்பற்றிய இந்தியா!

ரிஷப் பந்த்தா? சஞ்சு சாம்சனா?

காயத்திலிருந்து குணமடைந்து ரிஷப் பந்த் இந்திய அணிக்காக நன்றாக விளையாடி வருகிறார். மறுபுறம், கடந்த ஆண்டில் மட்டும் சர்வதேச டி20 போட்டிகளில் 3 சதங்கள் விளாசி, ஐசிசி சாம்பியன்ஸ் டிராபிக்கான இந்திய அணியில் இடம்பெறுவதற்கு தன்னை தவிர்க்க முடியாத போட்டியாளராக மாற்றிக் கொண்டுள்ள சஞ்சு சாம்சன். இவர்களில் சாம்பியன்ஸ் டிராபிக்கான இந்திய அணியில் யார் இடம்பெறப் போகிறார்கள் என்ற எதிர்பார்ப்பு ரசிகர்கள் மத்தியில் அதிகரித்துள்ளது.

இந்த நிலையில், ஆஸ்திரேலியாவுக்கு எதிரான நீண்ட தொடரில் ரிஷப் பந்த் விளையாடி முடித்துள்ளதால், சாம்பியன்ஸ் டிராபிக்கான இந்திய அணியில் சஞ்சு சாம்சன் இடம்பெற்றால் நன்றாக இருக்கும் என உணர்வதாக இந்திய அணியின் முன்னாள் வீரர் ஹர்பஜன் சிங் தெரிவித்துள்ளது முக்கியத்துவம் பெறுகிறது.

இதையும் படிக்க: ரவீந்திர ஜடேஜா இடத்தை நிரப்ப அக்‌ஷர் படேல் தயார்: ஹர்பஜன் சிங்

இது தொடர்பாக அவர் பேசியதாவது: சாம்பியன்ஸ் டிராபிக்கான இந்திய அணியில் சஞ்சு சாம்சன் அல்லது ரிஷப் பந்த் இவர்கள் இருவரில் ஒருவர் தேர்வு செய்யப்பட வேண்டும் என நினைக்கிறேன். சாம்பியன்ஸ் டிராபிக்கான இந்திய அணியில் சஞ்சு சாம்சன் இடம்பெற வேண்டும் எனக் கூறுவேன். ஏனென்றால், அவர் தென்னாப்பிரிக்காவில் கடைசியாக விளையாடியிருந்தார். அவர் மிகவும் நன்றாக விளையாடினார். ரிஷப் பந்த் ஆஸ்திரேலியாவுக்கு எதிரான பார்டர் - கவாஸ்கர் டெஸ்ட் தொடரில் நன்றாக விளையாடினார். ஆனால், அது மிகவும் நீண்ட தொடர். அதனால், சாம்பியன்ஸ் டிராபி தொடரில் ரிஷப் பந்த்துக்கு ஓய்வளிப்பது பெரிய விஷயமாக இருக்காது என்றார்.

சாம்பியன்ஸ் டிராபி தொடர் அடுத்த மாதம் 19 ஆம் தேதி முதல் தொடங்கவுள்ளது குறிப்பிடத்தக்கது.